Joshua 18:12 - KITABU KITAKATIFU

¹² Lwako lwavo ku luvega lwa kasikasini lwa twula ku mugera gwa Yordani; na lwako lwa vita kuduka mbalu mwelidala lya Yeriko ku luvega lwa kasikasini, na lwa vita hagati hekivala kyevigulu kuhenza ku luvega lwemadioli; ne kiheri kyalwo ki veye ha kyangalangwi kya Bethaven.

Joshua 18:12 Iomraidhean Croise

Hosea 10:5

Avamenyi ba Samaria va la va nobutii kigira vimoli vya Bethaven; kigira avandu velidala yilyo va la lisyomera, avasalisi valyo ava sangala kulyo, kigira ubukumi bwalyo, kigira bu twuli kulyo nokulileka.

Hosea 4:15

Kali ive Israeli wekola wamalaya, Yuda a vule kwona; na mwinye mu la vula kuduka ha Gilgali; kandi mu tanegira Bethaven, kandi mu la vula kwisuha, ku vola, Kuli Yahova a veye mwoyo.

Hosea 5:8

Mu kupe kisiliva mu Gibea, mu kupe imbuumi mu Rama: mu kupe kyokutihidza ha Bethaven; ha inyima hoho, O Benjamini.

Joshua 16:1

Na kidieli kyavana va Yosefa kya tangira ku mugera gwa Yordani ha Yeriko, ha amadzi ga Yeriko ku luvega lwevugwi, kuli mu kyangalangwi, kwanegira kutwula ha Yeriko hagati hekivala kyevigulu kuduka Betheli;

Joshua 18:11

Kandi kya loleka kidieli kya avana va Benjamini kuli ubwiko bwavo: na lwako lwekidieli kyavo lwa twulira hagati ha avana va Yuda na avana va Yosefa.

Joshua 2:1

Na Joshua mwana wa Nuni ya tuma avandu vaviri kutwula Shitim va tsia makiriri kuluta, na a vola, Mu tsie, kuliguulz kivala, na Yeriko. Navo va tsia, ni va duka ha inyumba yowamalaya wa langwa Rahabu, na va menya ho.

Joshua 3:16

hene yaho amadzi gikanga kutwula ku luvega lwolugulu ga singira, na ga diguluka na ga gwa kitumi ihale ligali, kuduka ha Adam, lidala li veye himbi Zarethan; na amadzi ga sulunguta kutsia ku luvega lwenyanza yekereremu, inyanza yo Munyu, ga kalika ligali: na avandu yavo vambuka kulungika Yeriko.

Joshua 6:1

Ma Yeriko lya li lya hanwa ligali kigira avana va Israeli: si ha ve nomundu u tsitsanga kyova, si ha ve no wingiranga mu.

Joshua 7:2

Na Joshua ya tuma avandu kutwula Yeriko kutsia Ai, li veye himbi Bethaven, ku luvega lwevugwe we Betheli, na ya va volera, na a vola, Mu tsie mu lute kivala yikyo. Na avandu zana va tsia ni va luta lidala lya Ai.

Joshua 8:15

Na Joshua na Israeli vosi va kola kuli va guuteywi imbiri wavo, na viruka ku inzira yekyangalangwi.

1 Samweli 13:5

Na Vafilisiti va vugana halala kulwana na Israeli, magari tsielfu makumi gavaka, na va nina tsiparasi tsielfu tsitano na indala, halala navandu kuli muyeke gu veye ku luginga lwenyanza, kigira va li vanyingi ligali; navo vanegira, ni va singeridza mahema gavo ha Mikimashi, ku luvega lwevugwi wa Beth-aven.