Joshua 17:11 - KITABU KITAKATIFU

¹¹ Na Manase ya li na madala mu Isakari, na mu Asheri, nago ni yaga Beth shean halala no madala galyo, na Ibileam na madala galyo, na avandu va Dori na madala galyo, na avandu va Endori na madala galyo, na avandu va Taanaka na madala galyo, na avandu va Megido na madala galyo, vivala vivaka vyeginga igulu.

Joshua 17:11 Iomraidhean Croise

2 Samweli 21:12

Na Daudi ya tsia na a vugula vigumba vya Saulo nevigumba vya Jonathan mwana wewe mmakono gavandu va Jabeshgileadi, ava li viba ku inzira ya Bethshan, ha Vafilisiti va va sunga, mu lidiku lya Vafilisiti viita Saulo mu Giliboa;

1 Avami 9:15

Na yiki ni kivune kyagira mwami Solomoni na a solola avandu, kuduka kwombaka inyumba ya Yahova, nenyumba yeye mwene, ne mpinga ya Milo, nolugaga lwa Yerusalemi, na madala ga Hazoru, na Megido, na Gezeri.

2 Avami 9:27

Ahazia mwami wa Yuda, lwa ya lola yaga, yirukira ku inzira yenyumba yomulimi. Jehu ya mu londerera, na a vola, Mu kuye uyu kandi mu ligari lilye; na va mu kuyira ha kyanegiru kyokutsia Guri, ki veye himbi Ibileam. Yirukira Megido, na a kudzira yo.

1 Kyetsinyinga 6:70

nokutwula inusu yehiri ya Ma nase, Aneri halala nobwayiru bwalyo, na Bileam halala nobwayiru bwalyo, ga ve ga ava tigala ava bwiko bwa vana va Kohathu.

1 Kyetsinyinga 7:29

Noku tsinzako tsya vana va Manase, Bethshean notudala twalyo, na Taanaka notudala twalyo, ne Megido notudala twalyo, Dori notudala twalyo. Avana va Yosefa mwana wa Israeli va menya mu yago.

2 Kyetsinyinga 35:22

Navutswa Josia si ya girunkana mmoni mwimwe ku twula kuye, navutswa yegirunkanya a duke kulwana naye, kandi si ya hulira amakuva ga Neko aga twula mmunwa gwa Nyasaye, ya tsia kulwana naye mwivona lya Megido.

Zaburi 83:10

Ava diva ha Endoru, Ava gwa kuli amavululi ku lirova.

Jeremia 49:2

Kigira yaga, henza, amadiku gadzanga, Yahova a vola, mu madiku yago nda kola muliviti gwobulwani gu hulirwe ku Raba lyavana va Amoni; na li la gwa kitumi kyevyanye, navakana veve va la sambwa nomuliru: hene yaho Israeli a la gumira yava ava li ni va mu gumira Yahova a vola.

Zekaria 12:11

Mu lidiku yilyo lisyoma linene li la va ho mu Yerusalemi, kuli lisyoma lya Hadadirimon mwivona lya Megidon.

Joshua 11:2

noku avami va veye ku tsimbega tsya kasikasini, mu kivala kyevigulu, nomu kivala kyekereremu kusini we Kinerothu, nomu kivanda, nomu vivala vidiguluku vya Dori ku luvega lwemadioli,

Joshua 12:21

mwami wa Taanaka, mulala; mwami wa Megido, mulala;

Joshua 12:23

mwami wa Dori mu kivala kyadiguluka kya Dori, mulala; mwami wa Goiim mu Gilgali, mulala;

Joshua 16:9

halala na madala ga vikirwa avana va Efiraim mu miyandu gya avana va Manase, madala gosi halala notudala twago.

Joshua 17:10

ku luvega lwa kusini lwa li lwa Efiraim, na luvega lwa kasikasini lwa li lwa Manase, na inyanza ya li lwako lwakye: navo va duka Asheri ku luvega lwa kasikasini, nokuduka ku Isakari ku luvega lvevugwi.

Joshua 17:16

Na avana va Yosefa va vola, Kivala kyevigulu si ki duki kwinye mba: kandi Vakanani vosi avamenyi mu kivala kyelivona va veye na magari gevivya, ava veye mu Bethshean no mu madala galyo, navo ava veye mu livona lya Jezireel.

Vakalagi 1:27

Na Manase ya vula kukunga avamenyi Beth-shean na madala galyo, kandi yavo avamenyi Taanaka na madala galyo kandi avamenyi Dori na madala galyo, kandi avamenyi Ibileam na madala galyo, kandi avamenyi Megido na madala galyo; navutswa Vakanani va lalira kumenya mu kivala yiki.

Vakalagi 5:19

Avami va tsia kulwana ubulwani; Va lwana navami va Kanani Mu Taanaka himbi na madzi ga Megido: Si va nyola faida ya ifetha.

1 Samweli 28:7

Hene yaho Saulo ya volera vatumekiri veve, Mu nzenyere mukali u veye nelidemoni lyelimanya, nduke kutsia kuye, nokuteva kindu kuye. Na vatumekiri veve va mu volera, Henza, a veye ho mukali mulala u veye nelidemoni lyelimanya ha En-doru.

1 Samweli 31:10

Nevyuma vivye va vi vika mu inyumba ya Ashitarothu; nomubiri gwigwe va gu bamba ku lidigi lyelidala lya Bethshan.

1 Samweli 31:12

avaluviriri vosi va singira, ni va tsia budiku bwosi, ni va vugula mubiri gwa Saulo, nemibiri gyavana veve ku lidigi lya Bethshan; na va gyi leta Jabeshi, ni va gyi sambira yo.