Joshua 15:11 - KITABU KITAKATIFU

¹¹ nolwako lwa twula kuduka ku luvega lwa Ekiron ku luvega lwa kasikasini; nolwako lwa gerwa kuduka Shikeron no kuvita ku kigulu kya Baala, na lwa twulira ha Jabineeli; nekiheri kyalwo ki veye ha inyanza.

Joshua 15:11 Iomraidhean Croise

2 Avami 1:16

Na ya volera mwami Yahova a ku volera, Kigira ive wa tuma avatumwa va teve ku Baal zebubu, munyasaye wa Ekiron, ga veye kigira si ha veye na Nyasaye mu Israeli u teve likuva lilye? Kigira yaga si u lika kutwula ku kitali kya u nina ku navutswa ligali u la kudza.

2 Avami 1:6

Na va mu volera, Mundu mulala ya twulira, na ya ku volera Mu tsie, mwirane ku mwami wa mu tuma, mu mu volere, Yahova a vola yaga, Ga veye kigira si ha veye na Nyasaye mu Israeli, kigira nu u tuma kuteva ku Baalzebubu, munyasaye wa Eki ron? Kigira yaga si u lika ku kitali kya u nina ku, navutswa ligali u la kudza.

2 Kyetsinyinga 26:6

Ya twula kutsia kulwana ku Vafilisiti, na ya sambula lugaga lwa Gathu, nolugaga lwa Jabine, nolugaga lwa Ashidodi; na yombaka madala mu kivala kya Ashidodi na hagati ha Vafilisiti.

Livalidza 34:6

Na lwako lwenyu lwoluvega lwemadioli, lu la va ku inyanza inene na lwako lwayo: yilu lu la va lwako lwenyu lwemadioli.

Joshua 15:10

kandi lwako zana lwa vodonkana kutwula Baala kuvita ku luvega lwemadioli kuduka ku kigulu kya Seiru na lwa vita kuduka ku luvega lwa kigulu kya Jearim ku luvega lwa kasikasini (ki veye Kesalon), na lwasulunguta Bethshemeshi nokuvita himbi na Timina;

Joshua 15:12

No lwako lwemadioli lu veye inyanza inene, noluginga lwayo. Yilu lu veye lwako lwa avava va Y uda ku livodonkana hosi kuli bwiko bwavo.

Joshua 15:45

Ekiron, halala na madala galyo notudalatwalyo;

Joshua 15:9

nolwako lwa gerwa kutwula ku isonga ye kigulu kuduka ku mugera gwa madzi ga Nefitoa na lwa tsia kuduka mmadala gekigulu kya Eironi; nolwako lwa gerwa kutwula Baala (li veye Kiriathu jearim);

Vakalagi 1:18

Kandi Yuda ya guuta Gaza halala netsinzako tsyalyo, na Ashikelon halala netsinzako tsyalyo, na Ekiron netsinzako tsyalyo.

1 Samweli 17:52

Na vasatsa va Israeli na va Yuda va singira, ni va kupa luku, ni va londa Vafilisiti, kuduka Gai, nokuduka viribwa vya Ekiron. Na Vafilisiti ava kuywa tsing'oma va gwa kutondekana ku inzira, kuduka Shaaraim, nokuduka Gathu, na Ekiron.

1 Samweli 5:10

Kunangwa va hila lisanduku lya Nyasaye kuduka Ekiron. Na ga duka, lwa lisanduku lya Nyasaye lya duka Ekiron, avandu Vaekiron va kupa lwanga, ni va vola, Va leti lisanduku lya Nyasaye wa Israeli ku kwinye, kuduka kwiita kwinye navandu vetu.

1 Samweli 5:8

Ma va tuma avandu kuvungidza avakulundu vosi va Vafilisiti vadze kuvo, nokuvavolera, Kalunu ku kola ki nelisanduku lya Nyasaye wa Israeli? Navo va tivula, Lisanduku lya Nyasaye wa Israeli li hilwe Gathu. Ma va ginga lisanduku lya Nyasaye wa Israeli ni va li hila kuduka Gathu.

1 Samweli 7:14

Namadala ga Vafilisiti va nuula ku Israeli ga galukidzwa ku Israeli, kutwula Ekiron kuduka Gathu; nolwako lwavo Israeli va twulidza ku makono ga Vafilisiti. Nemirembe gya li hagati ha Israeli na Vaamoni.