Joshua 14:12 - KITABU KITAKATIFU

¹² Kunangwa kalunu u mbe kivala kyekigulu, kya Yahova ya vola kukyo ku lidiku yilyo; kigira ive wa hulira lidiku yilyo kuli Vaanaki va veyo, na madala manene na getsingaga: namusia Yahova a la va halala na inze, na nda va kunga va twule, kuli Yahova ya vola.

Joshua 14:12 Iomraidhean Croise

2 Avami 19:4

Namusya Yahova Nyasaye wowo a la hulira makuva yaga gosi aga Rabishake, wa mwami wa Asuria munene wewe a tumi kulega Nyasaye u veye mwoyo, namsya Nyasaye a la gondokira amakuva aga Yahova Nyasaye wowo a huliranga: kigira yaga ginga lisaala lilyo kigira litigala lya yavo avatigala.

2 Kyetsinyinga 14:11

Na Asa yanira Yahova Nyasaye wewe, na a vola, Yahova, si ha veye nowundi u nyala kukonya navutswa ive, hagati ha uyu u veye wetsingulu, na uyu u ta li wetsingulu: u ku konye, O Yahova Nyasaye wetu; kigira kwese demi ku ive, kandi ku twuliye kiduma yiki nelieta lilyo. O Yahova, ni ive Nyasaye wetu; mundu a ta guuta ive mba.

Zaburi 44:3

Kigira si va nyola miyandu mu kivala nekivavi kyavo avene, Kandi si gwa li mukono gwavo gwa va honnya; Navutswa mukono gugwo mulungi, nomukono gugwo, na ubulavu bwommoni mumwo Kigira wa va vererera.

Zaburi 60:12

Kigira ku Nyasaye ku la kola nobunyali; Kigira ni uyu u li duvaga avasigu vetu.

Livalidza 13:28

Navutswa avandu ava menya mu kivala va veye netsingulu, na madala ga veye netsingaga, na ga veye manene ligali: na kandi kwa lola yo avana va Anaki.

Livalidza 13:33

Na ha zana kwa lola ho imindu avana va Anaki, ava twula ku imindu: na kwinye avene kwelola kuva kuli madede, na kwinye kwa li ndiyo imbiri wavo.

Livalidza 21:34

Na Yahova ya volera Musa, U ta mu tia: kigira mmali kumuvika mu mukono gugwo, na avandu veve vosi na kivala kikye; na u la mu kolera kuli wa kolera Sihon mwami wa Avaamori, wa menya ha Heshibon.

Varumi 8:31

Kunangwa ku vola ndi ku vindu yivi? Nyasaye na a reve ku luvega lwetu, ibwaha a veye musigu wetu?

Kwidzulitsa 1:28

Kwanegira kutsia haliha? Avamitu vetu va salulukidzi myoyo gyetu, ni va vola, Avandu yavo va veye avanyingi navatambi kuvita kwinye; namadala ga veye manene, kandi ga veye namadigi kuduka migulu; na kandi kwa lola avana va Anaki va veye ho.

Kwidzulitsa 9:1

Hulira, O Israeli: lero ndi u lambuka Yordani, na wingire kugumira tsihiri tsinene netsyetsingulu kuvita ive, madala manene agombakwa amadigi kuduka migulu,

Kwidzulitsa 9:3

Kunangwa u manye lidiku lya lero, Yahova Nyasaye wowo niye wimirira kwambuka imbiri wowo kuli muliru gu sambanga; a la va dividza, kandi a la va gehidza imbiri wowo: na ndiyo u la va kunga, na u la va dividza bwangu, kuli Yahova ya ku volera.

Vafilipi 4:13

Nnyalanga kukola vindu vyosi mu uyu u nyalidzanga.

Vahebraina 11:33

ava guutira ku lisuuvira ubwami bwavami, va kola bulungi, va nyola lisuuviridzwa, va kunikaminwagyeving'ang'a,

Joshua 15:14

Kalebu ya kunga ha zana avana vavaka va Anaki: Sheshai, na Ahiman, na Talmai, avana va Anaki

Vakalagi 1:20

Na va ha Kalebu Hebironi, kuli Musa ya vola: naye ya kunga ha zana avana vavaka va Anaki.

1 Samweli 14:6

Na Jonathan ya volera musolele uyu wa ginga vyuma vivye, Genda, kwambuke kuduka ku lugaga lwavasindi: namusia Yahova a la ku lwanira; kigira Yahova si a veye nekyokumigalira kuhonnya ku vanyingi kinga ku vakekeke.