Joshua 13:6 - KITABU KITAKATIFU

⁶ avandu vosi va menya I mu kivala kyevigulu, kutwula Lebanon kuduka Misirefothumaim, kuli Vasidone vosi; yavo nda va kunga va twule imbiri wa avana va Israeli: navutswa u ki haane ku Israeli kuva miyandu gyavo, kuli nda ku laga.

Joshua 13:6 Iomraidhean Croise

Zaburi 80:8

Ive wa twulidza muzabibu Egepeti: Wa kunga avetsihiri, na u gu simika.

Livalidza 33:54

Na mwinye mu la gavulanya kivala nekura kuli bwiko bwenyu; ku vanyingi mu la ha miyandu minene, noku vageheru u la ha miyandu mikekeke: ku hosi ha ikura i gwira ku mundu, ha zana ha la va ahehe; kuli tsihiri tsya vaguga venyu mu la nyola miyandu.

Joshua 1:6

U ve mugulu nomuluviriri; kigira u la lihidza avandu yava miyandu gyekivala kya ndi suhira avaguga vavo nda va ha.

Joshua 11:12

Na madala gosi ga avami yavo, halala na avami vago vosi, Joshua ya va vugula, na ya va kuya nobwogi bwekivavi, nokuvadividza ligali; kuli Musa mutumekiri wa Yahova ya mu laga.

Joshua 11:8

Na Yahova ya va vika mmukono gwa Israeli, na va va kuya, ni va va kunga kuduka Sidone linene, kuduka Misirefothumaim, nokuduka mwivona lya Mizipa ku luvega lwevugwi; na va va kuya, kuduka va vula kuleka mundu kali mulala kutigala.

Joshua 13:7

Kunangwa kalunu u gavule kivala yiki ki duke kuva miyandu gyetsihiri yitsi tsitano na tsine, nenusu ku ihiri ya Manase.

Joshua 23:13

mu manye ligali Yahova Nyasaye wenyu a la vula kukunga tsihiri yitsi tsi twule imbiri wetsimoni tsyenyu; navutswa tsi la va umbeto nomutego ku mwinye, nokuva lukova lwokukuya mmbalu mwenyu, namafwa mu tsimoni tsyenyu, kuduka mu dive kutwula ku kivala yiki kilahi kya Yahova Nyasaye wenyu ya mu ha.

Joshua 23:4

Henza ng odeye mwinye, avetsihiri yitsi tsi tigaye, tsi ve miyandu gyetsihiri tsyenyu, kutwula ku mugera gwa Yordani, halala netsihiri tsyosi tsya nda kalaga, kuduka ku inyanza inene ku luvega lweliyera lyeliuva.

Joshua 23:5

Na Yahova Nyasaye wenyu, a la va twulidza imbiri wenyu, nokuvakunga va vule kuva imbiri wetsimoni tsyenyu; na mu la gumira kivala kyavo, kuli ga Yahova Nyasaye wenyu ya mu volera.