Joshua 13:3 - KITABU KITAKATIFU

³ kutwula Shihoru, gu veye imbiri wa Egepeti, kuduka ku lwako lwa Ekiron ku luvega lwa kasikasini, kivala ki volwa kuva kya Vakanani; vakulundu vatano ava Vafilisiti: Vagaza, na Vaashidodi, na Vaeskaloni, na Vagiti na Vekiron; kandi Vaavim,

Joshua 13:3 Iomraidhean Croise

Litanga 10:6

Na vayai va Ham ni yava, Kush, na Miziraim, na Putu, na Kanani.

Litanga 15:18

Mu lidiku yilyo Yahova ya kola lilagana na Abram, na a vola, Mmali kuha visukululwi vivyo kivala yiki, kutwula ku mu gera gwa Egepeti kuduka ku mugera munene gwa Farati:

1 Avami 8:65

Ma Solomoni ya lomba lilia inyinga yeyo, na Israeli vosi halala naye, livugana linene, kutwula hokwingira ha Hamathu kuduka ku mugera gwa Egepeti, imbiri wa Yahova Nyasaye wetu, madiku gatano na gaviri, na madiku gatano na gaviri, ga veye madiku likumi na gane.

1 Kyetsinyinga 13:5

Ma Daudi ya vungidza halala Vaisraeli vosi, kutwula Shihoru mu gera gwa Egepeti, kuduka ho kwingi rira Hamathu, kuleta Lisanduku lya Nyasaye, kutwula ha Kiriathu jearim.

Isaya 23:3

Ku amadzi manene bugutsa bwa Shihoru, neligesa lyomugera gwa Nili, vi veye limedeka vyalyo; nalyo lya li kitu kyetsihiri.

Jeremia 2:18

Kalunu u veye na ki kya u kola ku inzira i tsitsanga Egepeti, kunwa amadzi ga Shihoru? Naho u veye na ki kya u kola ku inzira i tsitsanga Asuria kunwa amadzi go Mugera?

Kwidzulitsa 2:23

Na Vaavim, va menya mu tudala kuduka ha Gaza, Vakafitori, avatwula Kafitori va vononya, ni va menya mbugono bwavo.)

Joshua 13:13

Navutswa avana va Israeli si va kunga Vageshuri, kinga Vamaakathu: navutswa Vageshuri na Vamaakathu va menya hagati ha Israeli kuduka lidiku lya lero.

Vakalagi 16:5

Navanene va Vafilisiti va tsia ku mukali uyu, ni va mu volera, U mu goonye nobugadi, u duke kulola tsingulu tsitsye tsinene tsi veye mu kindu ki, kandi ku la mu guuta naki, kuduka kumboha nokumulegeridza: na kwinye sa mulala ku la ku ha ifetha elfu ne mia indala.

Vakalagi 3:3

navo navanene vatano va Vafilisiti, na Vaknnani vosi, na Vasidone, na Vahivi ava menya mkigulu kya Lebanon, kutwula mkigulu kya Baal-herimon, kuduka hokwingira ha Hamathu.

1 Samweli 5:1

Kunangwa Vafilisiti va vugula lisanduku lya Nyasaye, va tsia nalyo kutwula Ebenezeri kuduka Ashidodi.

1 Samweli 5:10

Kunangwa va hila lisanduku lya Nyasaye kuduka Ekiron. Na ga duka, lwa lisanduku lya Nyasaye lya duka Ekiron, avandu Vaekiron va kupa lwanga, ni va vola, Va leti lisanduku lya Nyasaye wa Israeli ku kwinye, kuduka kwiita kwinye navandu vetu.

1 Samweli 5:8

Ma va tuma avandu kuvungidza avakulundu vosi va Vafilisiti vadze kuvo, nokuvavolera, Kalunu ku kola ki nelisanduku lya Nyasaye wa Israeli? Navo va tivula, Lisanduku lya Nyasaye wa Israeli li hilwe Gathu. Ma va ginga lisanduku lya Nyasaye wa Israeli ni va li hila kuduka Gathu.

1 Samweli 6:4

Hene yaho va teva, Kihaanwa kyelihyolo ki la va kindu ki kumuhilira? Navo va vola, Amihi gatano gethahabu, nevisie vitano vyethahabu, kuli livalidzwa lyavakulundu va Vafilisiti, kigira liduya lilala lya li ku mwinye vosi, noku vakulundu venyu.