Joshua 11:14 - KITABU KITAKATIFU

¹⁴ Kandi vilanye vyosi vyamadala yago, nemitugu, avana va Israeli va vi vugula kuva lilanya lyavo avene; navutswa va kuya avandu vosi sa mulala nobwogi bwekivayi, kuduka lwa va dividza vosi, si va leka mulala wa herananga.

Joshua 11:14 Iomraidhean Croise

2 Kyetsinyinga 20:25

Na lwa Jehoshafatu navandu veve va duka kuvo kuva lanya, va nyola hagati havo ubutugi, nemibiri mikudzu vinyingi, neviju vyobuguli budinyu vya va navula kuvo nokuvivugula, navyo vya kira vya va ta nyala kuhila: va duka madiku gavaka ku lilanya, lya li linyingi.

Livalidza 31:9

Na avana va Israeli va lanya avakali va Midiani, na avana vsvo, na tsing'ombe tsyavo tsyosi, na magondi gavo gosi, na vindu vyavo vyosi va vi lanya.

Kwidzulitsa 20:14

navutswa avakali, navana, nemitugu gyelidala, ne vi veye mu lidala lyosi, vilanye vyalyo vyosi, u vi vugule vi ve vilanye ku ive; na u lie vilanye vya avasigu vovo, vya Yahova Nyasaye wowo ya ku ha.

Kwidzulitsa 20:16

Navutswa amadala getsihiri yitsi, tsya Yahova Nyasaye wowo a ku ha kuva miyandu, u ta honnya kindu kali kilala ki veye mwoyo ki herananga;

Joshua 10:40

Kunangwa Joshua ya duya kivala yikyo kyosi, kyekivala kyevigulu, nekivala kya Kusini, nekivala kyekereremu, nevivala vi diguluku, na avami vavyo vosi: si ya leka kali mulala kutigala, navutswa ya vononya ligali vosi avaheranga, kuli Yahova, Nyasaye wa Israeli, ya laga.

Joshua 11:11

Navo viita avandu vosi ava li mulyo nobwogi bwekivavi, ni va va dividza ligali: si ya tigala kali mulala u herananga: na ya samba Hazoru nornuliru.

Joshua 11:13

Navutswa ku makuva gamadala ga singira ku tugulu twavo, Israeli si va ga samba mba, ni li ta li lidala lya Hazoru lyeng'ine; yilyo Joshua ya li samba.

Joshua 11:15

Kuli Yahova ya laga Musa mutumekiri wewe, na ndiyo Musa ya laga Joshua: na Joshua ya kola ndiyo; si ya vula kukola likuva sa lilala ku yago gosi ya Yahova ya laga Musa.

Joshua 8:2

na u la kolera lidala lya Ai nomwami walyo, kuli wa kolera Yeriko nomwami walyo: navutswa vilanye vyalyo, nemitugu gyalyo, mu la vugula kuva vilanye vyenyu avene: u vike iluku inyima welidala.

Joshua 8:27

Navutswa mitugu nevilanye vyelidala vyeng'ine Israeli va vugula kuva vilanye vyavo, kuli likuva lya Yahova lya ya laga Joshua.