Joshua 11:11 - KITABU KITAKATIFU

¹¹ Navo viita avandu vosi ava li mulyo nobwogi bwekivavi, ni va va dividza ligali: si ya tigala kali mulala u herananga: na ya samba Hazoru nornuliru.

Joshua 11:11 Iomraidhean Croise

Kwidzulitsa 20:16

Navutswa amadala getsihiri yitsi, tsya Yahova Nyasaye wowo a ku ha kuva miyandu, u ta honnya kindu kali kilala ki veye mwoyo ki herananga;

Kwidzulitsa 3:7

Navutswa mitugu gyosi, nevilanye vyomu lidala, kwa vugula kuva vilanye vyetu.

Kwidzulitsa 7:2

na lwa Yahova Nyasaye wowo a la va vika havulavu imbiri wowo, kuvaguuta; hene yaho u la va duya: na u la i vononya ligali: u ta kola lilagana navo, kinga ku va vererera;

Joshua 10:40

Kunangwa Joshua ya duya kivala yikyo kyosi, kyekivala kyevigulu, nekivala kya Kusini, nekivala kyekereremu, nevivala vi diguluku, na avami vavyo vosi: si ya leka kali mulala kutigala, navutswa ya vononya ligali vosi avaheranga, kuli Yahova, Nyasaye wa Israeli, ya laga.

Joshua 6:21

Navo va dividza ligali vyosi vya li mu lidala, vasatsa na vakali, avana na vasakulu, ing'ombe na ligondi, nesukiri, va viita vyosi nobwogi bwekivavi.

Joshua 6:24

Ma lidala va li samba nomuliru, nevindu vyosi vya li mulyo; navutswa ifetha, na ithahabu, neviju vyomugasa nevyekivya, va vi vika mu livika lyakiba mu inyumba ya Yahova.