Joshua 10:6 - KITABU KITAKATIFU

⁶ Na avasatsa va Gibeon va tuma vatumwa ku Joshua kuduka hokusosa ha Gilgali, ni va mbolera, U ta lindagiridza mukono gugwo ku avatumekiri vovo; wanegire bwangu ku kwinye, kukuhonnya, nokukukonya: kigira avami vosi va Vaamori ava menyanga mu kivala kyevigulu va ku twulira halala.

Joshua 10:6 Iomraidhean Croise

2 Avami 4:24

Kunangwa ya lomba isukiri, nokuvolera mutumekiri wewe, Gendidza, ku tsie imbiri; u ta nindageridza ku ligenda lyange, ni nta ku volera.

Zaburi 125:2

Kuli vigulu vya kumbiridza Yerusalemi, Ni ndiyo Yahova a kumbiridzanga avandu veve Kutwula kalunu kuduka mihiga gyosi.

Isaya 33:22

Kigira Yahova a veye mukalagi wetu, Yahova a veye wa haana amalago wetu, Yahova a veye mwami wetu; a la ku honnya.

Livalidza 13:29

Amaleki va a menya mu kivala kya Kusini; na Avahiti, na Vajebusi, na Vaamori, va menyanga mu kivala kyevigulu; na Avakanani va menya ku luginga lwenyanza, noku luginga lwa Yordani.

Luka 1:39

Mu madiku yago Maria ya singira na a tsia bwangu mu kivala kyevigulu, mu lidala lye Buyuda;

Kwidzulitsa 1:15

Kunangwa ndz vugula mitwe gyetsihiri tsyenyu, avobugeeri, avamanyekana, ni mba kola va ve mitwe ku mivinye, vanyampara vetsielfu, na vanyampara vetsimia, na vanyampara va makumi gatano, na vanyampara velikumi, na valindi kuli tsihiri tsyenyu.

Joshua 10:5

Kunangwa avami vatano va Vaamori, mwami wa Yerusalemi, nomwami wa Hebironi, nomwami wa Jaramuthu, nomwami wa Lakishi nomwami wa Egilon, va vugana halala, na vanegira, yavo na amahe gavo gosi, no kusingiridza amahema gavo imbiri wa Gibeon, kulwana nalyo.

Joshua 10:7

Kunangwa Joshua yanegira kutwula Gilgali, uyu, na avandu velihe vosi halala naye, na vetsingulu na avobunyali vosi.

Joshua 21:11

Navo va ha Kiriathuarba, Arba uyu u a li dada wa Anaki (li veye Hebironi), mu kivala kyevigulu vya Yuda, halala navyayiru vyalyo tsimbega tsyosi.

Joshua 5:10

Na avana va Israeli vombaka mahema gavo ha Gilgali; na va lomba lilia lya lipasaka ku lidiku li kola likumi na gane gomweli, mgolova mu kivala kyekereremu kya Yeriko.

Joshua 9:15

Na Joshua ya va kola mirembe navo nokulomba lilagana halala navo, va va leke kuva mwoyo: na vanene velivugana va visuhira.

Joshua 9:6

Navo va tsia ku Joshua kuduka mu hokusosa ha Gilgali, na va mbolera, uyu na avasatsa va Israeli, Kwinye ku twuli mu kivala kyehali ligali: kunangwa mu lombe lilagana halala na kwinye.

Joshua 9:8

Navo va volera Joshua, Kwinye ku veye avatumekiri vovo. Na Joshua ya va teva, Mwinye mu veye vaha? Na mu twuli haliha?