Joshua 10:25 - KITABU KITAKATIFU

²⁵ Na Joshua ya va volera, Mu ta tia mba, kandi mu ta kudza mwoyo, mu ve avagulu na avaluviriri: kigira ni ndiyo Yahova a la kolera avasigu venyu vosi ava mu lwana navo.

Joshua 10:25 Iomraidhean Croise

Zaburi 63:9

Navutswa yavo avenyanga mwoyo gwange kugwononnya, Va la tsia musi mwelirova.

Zaburi 77:11

Nda landidza amakuva gelikola lya Yahova; Kigira ndidzulitsa vyokugenya vivyo vya kale.

Varumi 8:37

Navutswa ku vindu yivi vyosi ku kira kuva avaguuti, kigira uyu wa ku yanza.

2 Vakorintho 1:10

wa ku honnya mu likudza linene kuli yili, kandi a la ku honnya: ku uyu ku suuviranga a la ku honnya lwenyima;

Vafeso 6:10

Agekiheri, avamitu vange, mu ve avanyala mu Mwami, kandi mu bunene bwetsingulu tsitsye.

Kwidzulitsa 7:19

mageridzo manene getsimoni tsitsyo tsya lola, nevilolekidzu, nevyokugennya, nomukono gwetsingulu, nomukono gwanyirika, gwa Yahova Nyasaye wowo ya ku twulidzira: na ndiyo Yahova Nyasaye wowo a la kolera tsihiri tsyosi tsyo u tidzanga.

Joshua 1:6

U ve mugulu nomuluviriri; kigira u la lihidza avandu yava miyandu gyekivala kya ndi suhira avaguga vavo nda va ha.

Joshua 1:9

Si nda ku laga? U ve mugulu nomuluviriri; u ta tia, kandi u ta kudza mwoyo: kigira Yahova Nyasaye wowo a veye halala nive hosi ha u tsitsanga.

Joshua 10:8

Na Yahova ya volera Joshua, U ta va tia: kigira mmali kuvavika mmakono gogo, si ha veye nomundu kali mulala muvo u nyala kusingira imbiri wowo.

1 Samweli 17:37

Na Daudi ya vola, Yahova uyu wa mbonnya ku mukono gweking'ang'a, na gwa iduba a la mbonnya ku mukono gwo Mufilisiti uyu. Kunangwa Saulo ya volera Daudi, Ka tsie, na Yahova a la va halala nive.