Joshua 10:13 - KITABU KITAKATIFU

¹³ Neliuva lya singira nomweli gwa gaywa, Kuduka lwa ihiri ya mala kuvanza kisalya ku vasigu vavo. Si ga ng'odwa mu kitabu kya Jasharu? Na liuva lya singira hagati ho migulu, na si lya kola bwangu kuyera kuli kuduka himbi lidiku lyosi.

Joshua 10:13 Iomraidhean Croise

2 Samweli 1:18

(na ya laga vegidze avana va Yuda lwimbu lwobuta: henza, lwa ng'odwa mu kitabu kye Jasharu):

2 Avami 20:10

Na Hezekia ya tivula, Li veye lyangu, ikiriri ki tsie imbiri vikaa likumi, auwa, ga ve ikiriri kirane inyima vikaa likumi.

Esther 8:13

Na ling'oda lya li kuhilwa kuva lilaga mu tsiprovinse tsyosi sendala lya li kulandidzwa ku vandu vosi, kuvola, Avayuda vetegeke ku lidiku yilyo, kwevanzira kisalya ku vasigu vavo.

Ayubu 9:7

U laganga liuva, nalyo li vula kutonga, A vikanga muhuri ku tsing'ereng'ini.

Zaburi 148:3

Mu mwidzominye, liuva no mweli: Mu mwidzominye, tsing'ereng'ani tsyobulavu tsyosi.

Zaburi 19:4

Livola lyavyo It tsia mu lirova lyosi, Na makuva gavyo ga duka ku kiheri kyelirova. Ya vika lihema lyeliuva muvyo,

Isaya 24:23

Ma mweli gu li va netsisoni, neliuva li la va netsisoni; kigira Yahova wa mahe a lameha mu kigulu kya Zioni, nomu Yerusalemi; kandi imbiri wa avakulundu veve ha la va nobukumi.

Isaya 38:8

henza, ndirannya kiriri mu vikaa, kiriri ki gendidzangwa neliuva hasi mu ligera lya Ahazu, kirane inyima kandi kuduka vikaa likumi. Ma liuva liranya vikaa likumi ku ligera lya lya mala kuyera.

Joeli 2:10

Lirova li degera imbiri wavo; ligulu li degera; Iiuva na mweli vi mwaminyeywi, na tsing'ereng'ani tsyemwaminya.

Joeli 2:31

Na liuva li la girunkanywa li gwe kisundi, na mweli gu la girunkanywa gu gwe masahi, lidiku lya Yahova linene na lyokutihidza li kikiri kuduka.

Joeli 3:15

Liuva na mweli vi koleywi kisu ndi, na tsing'ereng'ani tsi vuli kwaaka.

Habakuk 3:11

Liuva nomweli vya kiring'ana mbugono bwavyo, Ku bulavu bwemibano gyigyo lwa gya gendanga, Ku ling'ereng'ana lyelitimu lilyo li ng'ereng'ana.

Livalidza 21:14

Kigira yaga ga veye kuvolwa mu kitabu kya amahe ga Yahova, Vahebu mu Suia, Na mavona ga Arinon.

Livalidza 31:2

U vanze kisalya kya avana va Israeli ku Vamidiani: ma lwenyima ive u la vungidzwa halala na avandu vovo.

Matayo 24:29

Navutswa inyima yekivi kyanadiku yago bwangu liuva li la nwaminywa, nomweli si gu liaaka etsing'ereng'ani tsi la guluka mwigulu, netsingulu tsyomwigulu tsi la degeridzwa:

Matayo 5:45

mu duke kuva avana va Dada wenyu u veye migulu: kigira a vaalidza liuva lilye ku vadamano navalahi, kandi a kupidza imbula ku valungi nava ta li avalungi.

Luka 18:7

Kandi Nyasaye si a la kalagira avatovole veve, ava mwanira mbasu nobudiku, navutswa a likudzira kuvo?

Vikolwa 2:20

Liuva li la girunkanywa li gwe kisundi, Kandi mweli gu la girunkanywa gu gwe masahi Li kikiri kuduka lidiku lyo Mwami, Li veye linene nokumanyekana:

Joshua 10:11

Na ga duka, lwa va li ni virukanga imbiri wa Israeli, lwa va sulunguta Beth-horon, Yahova ya va lasa magina manene kutwula migulu kuduka Azeka, ni va kudza: ava kudza kwiitwa na magina gembula va veye vanyingi kuvita ava avana va Israeli viita nekivavi.

Joshua 10:14

Na si li veye ho lidiku lindi kuli yili ku matsyambiri kinga ku ga londanga inyima, kuduka Yahova ya hulira mwoyo gwomundu: kigira Yahova ya lwanira Israeli.

Likunula 21:23

Kandi lidala zana si li veye nelyenya liuva, kinga mweli, okwaaka kulyo: kigira ubukumi bwa Nyasaye bwa li lavidza, kandi itaya yalyo i veye Mwana Weligondi.

Likunula 6:10

navo va lira nomwoyo munene, ni va vola Mwami mutakatifu noweligali, kuduka inyinga ki, ive u vuli kukalaga nokuvanza kisalya kya masahi getu ku va menya mu lirova?

Likunula 6:12

Kandi nda lola inyinga ya boholola muhuri gwegyitano na mulala lya li ho lidegera linene; neliuva lya gwa limwamu kuli ligunia lyobwoya, nomweli gwosi gwa gwa kuli masahi;

Likunula 8:12

Kandi ingelosi wa kane ya kupa, kidieli kilala ku vivaka vyeliuva kya duywa, kandi kidieli kilala ku vivaka vyomweli, kandi kidieli kilala ku vivaka vyetsing'ereng'ani; kidieli kilala ku vivaka ki gwe kisundi, kandi mbasu gu vule kuva ubulavu ku kidieli kyabwo kilala ku vivaka, nobudiku kandi ndiyo.

Vakalagi 16:28

Na Samsoni yanira Yahova, na a vola, O Yahova Nyasaye, u nzidzulitse, nku saala, u mbe tsingulu mwadza, inyinga indala yiyi vutswa O Nyasaye, nduke kwevanzira kisalya ku Vafilisiti kigira tsimoni tsyange tsyombi.

Vakalagi 5:2

Kigira avanene avimiri mu Israeli, Kigira avandu ave haana avene nobulaliri, Mu gasidze Yahova.