Joshua 1:7 - KITABU KITAKATIFU

⁷ U ve mugulu nomuluviriri ligali, u duke kulinda kukola kuli lilsga yili lyosi, lya Musa mutumekiri wange ya ku laga: u ta girunkana kulileka, u tsie ku luvega lwomukono mulungi kinga lwomukono mmosi mba, u duke kugasidzwa ha u tsitsanga hosi.

Joshua 1:7 Iomraidhean Croise

1 Avami 2:2

Inze ntsitsanga ku inzira yavomulirova vosi: kigira yaga ive u ve wetsingulu, welolekidze mwene kuva mundu musatsa;

1 Avami 2:3

u gumire lilaga lya Yahova Nyasaye wowo, u gende mu tsinzira tsitsye, kugumira amalago gege, nemiima gyigye, nelikalaga lilye, nelilolekidza lilye, kuli ga ng'odwa mu itorati ya Musa, u duke kugasidzwa mu gosi aga u kola, na hosi ha u henzanga;

2 Avami 22:2

Naye ya kola bulahi imbiri wa Yahova, ya genda mu inzira yosi ya Daudi guga wewe, si ya girunkana ku luvega lwomukono mulungi kinga mukono mmosi.

1 Kyetsinyinga 22:13

Hene yaho u la gasidzwa, nu u va nu wiguluhidza kudukidza lilagana nelikalaga lya Yahova ya laga Musa ku Israeli: u ve wetsingulu, nowekilema mwoyo; u ta tia mba kandi u ta kudza mwoyo.

2 Kyetsinyinga 15:7

Navutswa mu ve avanyala, makono genyu ga ta va madedekere; kigira miyinzi gyenyu gyi la va na madanyi.

2 Kyetsinyinga 26:5

Ye vika mwene kwenya Nyasaye mma diku ga Zekaria, wa li nelimanya mu malolo ga Nyasaye: nomu madiku ga yevika mwene kwenya Yahova, Nya saye ya mu ha ligasidzwa.

Ayubu 1:8

Na Yahova ya teva Setani, Wa li ku lola mutu mekiri wange Ayubu? Kigira si ha li nomulala u veye kuli uyu mu lirova lyosi, mundu musuuvirifu nomulungi, mulala u tidzanga Nyasaye, nokwavukana nobudamano.

Zaburi 80:19

O Yahova Nyasaye wa mahe, u kwirannye; U kole mmoni mumwo kung'ereng'ana, na kwinye ku la bonywa.

Tsing'ano 4:27

U ta girunkana kutsia haluvega ku mukono mulungi kinga ku mukono mmosi: U twulidze kirenge kikyo ha budamano.

Tsing'ano 8:20

Inze ng'endanga nevirenge mu inzira yobulungi Hagati hetsinzira tsyelikalaga lilungi;

Danyeli 10:19

Na ya vola, O mundu u yanzeywi ligali, u ta tia mba: mirembe gyi ve ku ive, u ve netsingulu, yee, u ve netsingulu. Na lwa ya mbolera, nda nyola tsingulu, ni mbola, Mwami wange a vole; kigira u mpeye tsingulu.

Livalidza 27:23

naye ya vika makono gege kuye, na a mu ha lilaga, kuli Yahova ya volera Musa.

Kwidzulitsa 11:8

Kunangwa mu gumire amalago gosi aga mmu laganga lero, mu duke kuva netsingulu, mwingire kugumira kivala, liya mwambukanga yo kukigumira;

Kwidzulitsa 12:32

Ku gosi ga mmu laga, mu henze ku nokugakola: u ta meda ku, kinga u ta gehidza ku.

Kwidzulitsa 28:14

ni mu vula kugirunkana kuleka amakuva gosi aga mu laga lero, kutsia ku mukono mulungi kinga ku mmosi, kulonda avanyasaye vandi kuvatumekira.

Kwidzulitsa 29:8

na kwa vugula kivala kyavo, ni ku ha Varubeni, na Vagadi, nenusu yehiri ya Vamanase, ki ve miyandu.

Kwidzulitsa 29:9

Kunangwa mu gumire amakuva gelilagana yili, mu ga kole, bu duke kuva bulahi ku mwinye mu vyosi vya mu kola.

Kwidzulitsa 31:7

Na Musa ya langa Joshua, na a mbolera mmoni mwa Israeli vosi, U ve mugulu nomuluviriri: kigira u lingira navandu yava mkivala kya Yahova yesuhira avaguga vavo a la va ha; na ive u la va lihidza miyandu.

Kwidzulitsa 4:2

Ku makuva ga mmu laganga mu vule kumeda ku, kinga kugehidza ku, mu duke kugumira malago ga Yahova Nyasaye wenyu aga inze nda mu laga.

Kwidzulitsa 5:32

Kunangwa mu linde mu kole kuli wa Yahova Nyasaye wenyu ya mu laga: mu ta girunkana ku mukono mulungi kinga mmosi.

Joshua 1:1

Na ga duka inyima we likudza lya Musa mutumekiri wa Yahova, Yahova ya volera Joshua mwana wa Nuni, wa li mutumekiri wa Musa, na a vola,

Joshua 1:8

Kitabu yiki kyelilaga si ki la twula mmunwa gugwo, navutswa u la ganagana kukyo mbasu nobudiku, u duke kulinda kukola kuli gosi aga ng'odwa mu: kigira inyinga zana u la gasidza inzira yoyo, na inyinga zana u la kola nobugeeri.

Joshua 1:9

Si nda ku laga? U ve mugulu nomuluviriri; u ta tia, kandi u ta kudza mwoyo: kigira Yahova Nyasaye wowo a veye halala nive hosi ha u tsitsanga.

Joshua 11:15

Kuli Yahova ya laga Musa mutumekiri wewe, na ndiyo Musa ya laga Joshua: na Joshua ya kola ndiyo; si ya vula kukola likuva sa lilala ku yago gosi ya Yahova ya laga Musa.

Joshua 23:6

Kunangwa mu ve avaluviriri kulinda nakukola gosi ga ng odwa mu kitabu kyelilaga lya Musa, mu vule kugirunkana ku li leka kutsia haluvega lwomukono mulungi kinga lwomukono mmosi;