Joshua 1:15 - KITABU KITAKATIFU

¹⁵ kuduka lwa Yahova a ha avamwavo venyu uhwelemeridzi, kuli mwinye, navo kandi va nyoye kugumira kivala kya Yahova Nyasaye wenyu a va ha: ma mu lirana mu kivala kyemiyandu gyenyu, mu duke kukigumira, kya Musa mutumekiri wa Yahova ya mu ha engereka ya Yordani ku luvega lwelitwulira lyeliuva.

Joshua 1:15 Iomraidhean Croise

1 Vakorintho 12:26

Kandi kivero kilala ni ki salira, vivero vyosi vi salira halala nakyo; kinga kivero kilala ni kidzominywa, vivero vyosi vi sangala nakyo.

1 Vakorintho 13:5

si bu vula kuva nobuhokya, si bwenya vyabwo ubwene, si bu veye nobutima, si bu ganagana ubudamano;

Vagalatia 5:13

Kigira mwinye avamitu, mwa Iangwa mu nyole libohololwa; navutswa libohololwa lyenyu li ta va ubwiyangu bwomubiri, navutswa mu tumikirane avene navene nobuyanzi.

Vagalatia 6:2

Mu konyane ku maliduhu mundu sa mulala nowakye, na ndiyo mu la dukidza miima gya Kristo.

Kwidzulitsa 3:18

Kandi nda mu laga inyinga yeyo, ni mu volera, Yahova Nyasaye wenyu u mu heye kivala yiki mu ki gumire: mwambuke ni mwiviki vyuma vyelihe imbiri wa vamwavo venyu avana va Israeli, mwosi ava mu veye netsingulu.

Kwidzulitsa 3:20

kuduka Yahova a sosidze avamwavo venyu, kuli mwinye, navo kandi va la gumira kivala kya Yahova Nyasaye wenyu a va ha engereka wa Yordani: kunangwa mu iirana sa mulala ku miyandu gyigye, gya nda mu ha.

Kwidzulitsa 9:1

Hulira, O Israeli: lero ndi u lambuka Yordani, na wingire kugumira tsihiri tsinene netsyetsingulu kuvita ive, madala manene agombakwa amadigi kuduka migulu,

Vafilipi 2:4

mundu sa mulala a ta linda vindu vivye mwene, navutswa sa mulala a linde kandi vindu vyavandi.

Joshua 1:1

Na ga duka inyima we likudza lya Musa mutumekiri wa Yahova, Yahova ya volera Joshua mwana wa Nuni, wa li mutumekiri wa Musa, na a vola,

Joshua 1:14

Avakali venyu, na avana venyu, nemitugu gyenyu, vi la menya mu kivala kya Musa ya mu ha engereka ya Yordani; navutswa mwinye mu lambuka imbiri wa vamwavo venyu ni mwiviki vyu na, avasatsa vosi avaluviriri avobunyali, mu la va konya;

Joshua 1:16

Navo va tivulira Joshua, nokumbolera, Yaga gosi aga u ku lagi ku la kola, kandi hosi ho u ku tuma ku la tsia.

Joshua 22:1

Inyinga yeyo Joshua ya langa Varubeni, na Vagadi, nenusu yehiri ya Manase,