Joeli 3:2 - KITABU KITAKATIFU

² nda vungidza tsihiri tsyosi, na nda va sulungutidza kuduka mwivona lya Jehoshafatu, na nda va kalagira ha zana kigira avandu vange, na kigira miyandu gyange Israeli, ava va salannyi hagati hetsihiri: na va gavannyi kivala kyange,

Joeli 3:2 Iomraidhean Croise

2 Kyetsinyinga 20:26

Ku lidiku lya kane va vugana mwivona lya Beraka; kigira ha zana yaho niho ha va gasidzira Yahova: kigira yaga ha zana ha gu likwa Livona lya Beraka kuduka lero.

Isaya 66:16

Kigira Yahova a la leta likalagirwa ku ave mibiri vosi, ku muliru, noku kivavi kikye; na yavo ava Yahova a liita va la va avanyingi.

Isaya 66:18

Kigira manya miyinzi gyavo, netsiganagani tsyavo: inyinga yidzanga, ya nda vungidza halala tsihiri tsyosi, netsinimi tsyosi; navo va ladza, va la lola ubukumi bwange.

Jeremia 12:14

Yahova a vola ndi ku vakye vange vadamano vosi, ava diranga miyandu gya nda ha vandu vange Israeli kugumira: Henza, nda viha va twule mu kivala kyavo, kandi ndiha inyumba ya Yuda i twule hagati havo.

Jeremia 25:31

Lwanga lu la duka ku kiheri kyelirova; kigira Yahova a veye nelihing'ana netsihiri, a lingira mu likalaga navemibiri vosi: ku makuva gavadamano, a la va haana va ve ku kivavi, Yahova a vola.

Jeremia 49:1

Ku avana va Amoni. Yahova a vola: Israeli si a veye navana vayai? Si a veye nowemiyandu? Kigira ki Malikam a gumiye Gadi, navandu veve va menya mu madala gakyo?

Jeremia 50:17

Israeli a veye ligondi lya sala nywa; ving'ang'a vi mu kungi; kutanga, mwami wa Asuria ya mu liana kalunu Nebukadirezaru mwami wa Babuloni ya vunannya vigumba vi vye.

Ezekieli 25:8

Mwami Nyasaye a vola ndi: Kigira Moabu na Seiru va vola, Henza, inyumba ya Yuda i veye kuli tsihiri tsyosi;

Ezekieli 34:6

Amagondi gange ga vayavaya mu vigulu vyosi, noku kigulu sa kilala kitambi; yee, magondi gange ga li ni ga salannywa mu mmoni mwosi mwelirova; si ha li nomundu kali mulala kugateva kinga kugenya.

Ezekieli 35:10

Kigira wa vola, Tsihiri yitsi tsiviri na vivala yivi viviri vi la va vyange, na ku la vi gumira; kali Yahova na a veye ho:

Ezekieli 36:1

Na ive, mwana womundu, u profetere vigulu vya Israeli, u vole, Mwinye vigulu vya Israeli, mu hulire likuva lya Yahova.

Ezekieli 36:5

kigira yaga Mwami Nyasaye a vola ndi: Ligali mmali kuvola ku litigala lyetsihiri mu muliru gwelikendeka lyange, noku Edom, tsihiri tsyevuguliye tsyene kivala kyange va ve nakyo kuva miyandu gyavo ku buyanzi bwemyoyo gyavo gyosi, nomwoyo gwokulega, kukita kyova ki ve kilanye.

Ezekieli 38:22

Nda kola likalaga kuye nobulwaye namasahi; nda kupidza imbula kuye, noku viduma vivye, noku avandu vanvingi ava veye halala naye, nda kupidza imbula yo kwizula, nembula yamagina amanene nomuliru, nekibiridi.

Ezekieli 39:11

Na ga la va ku lidiku yilyo, nda ha Goga bugono bwevilindwa mu Israeli, livona lya yavo ava vitanga ku luvega lwevugwe lwenyanza: nevilindwa vi ligalira yavo ava vitanga, va vule kuvita: na va la ta Goga ha zana nobunyingi bwavandu veve; navo va la li gulika Livona lya Hamon Goga.

Joeli 3:12

Avetsihiri vetsuve, nokwanegira va duke mwivona lya Jehoshafatu; kigira ndikala yo kukalagira tsihiri tsyosi tsyetsimbega tsyosi.

Joeli 3:14

Va veye ho avanyingi, avanyingi mwivona lyokutovolera mu kigira lidiku lya Yahova li veye himbi mwivona lyokutovolera mu.

Amosi 1:11

Yahova a vola ndi: Kigira mahyolo gavaka ga Edom, yee, kigira gane, si nda girunkannyira lihebwa mageli lyalyo; kigira ya kunga amwavo wewe nekivavi, na a ta tsimbabasi tsyosi, nobutima bwibwe bwa tandula kazozo, na ya li nobutima bwibwe mihiga gyosi.

Mika 4:12

Navutswa si va manya tsiganagani tsya Yahova, kandi si va manyeridza livola lilye; kigira u mali kuvavungidza kuli viganda vi vungidzangwa kulodze lwokuhuula.

Zefania 3:8

Kunangwa mu lindirire inze, Yahova a vola, kuduka ku lidiku lya ndivukira lihima; kigira ndi saaviyi kuvungidza halala avetsihiri, nduke kuvugannya halala ubwami, ntsuke ubutima bwange kuvo, kali ubutima bwange ubululu bwosi; kigira lirova lyosi li la sambwa nomuliru gwelikendeka lyange.

Likunula 11:18

Kandi tsihiri tsya li nobutima, kandi ubutima bubwo bwa duka, kandi inyinga yavakudzu va kalagirwa, kandi inyinga yavatugwa vovo avaprofeti va hebwa amadanyi gavo, navatakatifu, navatidzanga lieta lilvo, avakekeke navanene; nokudividza avadividza lirova.

Likunula 16:14

kigira gyi veye roho gyamademone, gyi kolanga vilolekidzu; gya tsia ku vami vomulirova lyosi, kuvavugannya ku bulwani bwelidiku linene lya Nyasaye Wanyala Vyosi.

Likunula 16:16

Kandi ga va vugannya halala ha hangwa mu lulimi lwa Vahebraina Hari-Magedon.

Likunula 16:6

kigira va sundula masahi gavatakatifu nagavaprofeti, kandi ive u mali kuvaha amasahi kunwa: va dukani nago.

Likunula 20:8

nokutsia kyova kugada avetsihiri tsi veye mu tsikorna tsine tsyelirova, Goga na Magoga, a va vungidze ku lihe yilyo; livalidzwa lyavo li veye kuli muyeke gwenyanza.