Jeremia 3:3 - KITABU KITAKATIFU

³ Kigira yaga ulunyirira lwembula lu gaywi, nembula yitodzo i vule kukupa; navutswa wa li nobweni bwowamalaya, wa sula kuva netsisoni.

Jeremia 3:3 Iomraidhean Croise

Litanga 19:34

Kunangwa mugamba uyu wa tanga kwivulwa ya volera muke Henza, nda li halala na dada wange mgolova: ku mu nwehidze iwaini kandi ubudiku buno; na ive wingire kuva halala naye, ku singeridze visukululwi ku dada wetu.

Nehemia 9:17

na va sula kugakola, kandi si va ganagana vyokugenya vya wa kola hagati havo, navutswa va kola amagoti gavo kuva madinyu, nomu bwebaali bwavo ve tovolera munyampara va duke kwira na mu butugwa bwavo. Navutswa h ive u veye Nyasaye wetegeki kusame ha, wetsimbabasi, na wizula liverere ra, wa galaha ku butima, nowobunyi ngi bwetsimbabasi, si wa va leka mba.

Tsing'ano 21:29

Mundu mudamano a dinyiridza mmoni mwimwe; Navutswa ku makuva gomulungi a dinyiridza tsinzira tsitsye.

Isaya 5:6

nda ki kola hatswa; ki la vula kusemberwa, kinga kulimwa; navutswa ki la mera amafwa nolutavati: kandi nda laga malesi ga vuli kukupidza imbula kukyo.

Jeremia 14:1

Yili ni likuva lya Yahova lya duka ku Jeremia ku makuva genyinga yekimeyu.

Jeremia 14:22

Mu vindu vya vutswa vyosi vya yavo avetsihiri ki veye ho ki nyala kuleta imbula? Naho ligulu li nyala kuleta lunyirira? Si a veye ive, O Yahova Nyasaye wetu? Kigira yaga kwinye ku la linda ive; kigira ive u lombi vindu ylvi vyosi.

Jeremia 14:3

Avanene veve va tumi avake vavo va dahe madzi: va duka mu madavalia, na si va nyola madzi mba; virana neviju vyavo vikaya: va veye isoni, nokugenya nokukunika mitwe gyavo.

Jeremia 14:4

Kigira kivala kyadika, kigira imbula si i kupanga mkivala yikyo, avalimi va ve isoni va kunika mitwe gyavo.

Jeremia 36:2

Vugula lilinga lyekitabu, na u ng'ode mukyo makuva yaga gosi aga nda ku volera ku Israeli, noku Yuda, noku tsihiri tsyosi, kutwula ku lidiku lya nda ku volera, kutwula ku madiku ga Josia, kali kuduka lero.

Jeremia 5:24

Kandi si va vola mu myoyo gyavo Gendi ku tie Yahova Nyasaye wetu kalunu, uyu u letanga imbula, imbula yomuhiga, nembula ye itodzo ku inyinga yayo; uyu wa ku vikira masidza ga lagwa geligesa.

Jeremia 5:25

Ubu damano bwenyu bu mali kugirunka nnya vindu yivi, nobwoni bwenyu bwigaliye ubulahi mu vule kubu nyola.

Jeremia 5:3

O Yahova, tsimoni tsitsyo si tsi henzanga ageligali? U va kuyi, navutswa si va vereranga mba; u va heridzi, navutswa va suye lihebwa mageli va kolanga mmoni mwavo kuva mudinyu kuvita lwanda; va suye kwirana kandi.

Jeremia 6:15

Va lola tsisoni lwa va kola kivihiri? Auwa, si va lola tsisoni kali hakuzu, kandi si va nyala kuva isoni; kunangwa kigira yaga va la gwa mu yavo ava gwidzanga; lwa ndi duka kuvo va la tuulwa hasi, Yahova a vola.

Jeremia 8:12

Va lola tsisoni wa va kola kivihiri yiki? Auwa, si va lola tsisoni kali hakuzu, kandi si va nyala kuva soni: kigira yaga va la gwa hagati ha yavo ava gwa; inyinga yelidukirwa lyavo va la tsomwa hasi, Yahova a vola.

Jeremia 9:12

Ni bwaha wobugeeri, a duke kumanya yaga? Kandi ni bwaha womunwa gwa Yahova gwa mvoleye makuva, a duke kugalandidza? Kigira ki kivala yiki kyoneka nokuhya nomuliru kuli kyangalangwi, ki luhi ki duki kuvula kuva nomundu u vita hagati hakyo?

Ezekieli 3:7

Navutswa avenyumba ya Israeli si va la ku hulira mbakigira si va la hulira inze: kigira inyumba yosi ya Israeli va gwiye avombweni budinyu nemyoyo gyobudinyu.

Kyavalevi 26:19

Kandi ndononya uluyai lwetsingulu tsyenyu: na nda kola mwigulu mwenyu kuva kuli kivya, na lirova lyenyu kuli mugasa;

Amosi 4:7

Kandi mmali kugaya imbula i ta kupa ku mwinye, lwa imyeli gyi tigaye gyivaka kuduka ligesa; na mmala kuleta imbula ku lidala lilala, nokugaya imbula i vule kukupa ku lidala lindi; kidieli kilala imbula ya kupa ku, na kidieli kya ya vula kukupa ku kya niala.

Amosi 4:8

Kunangwa madala gaviri kinga gavaka ga tsia mu ligendagenda kutsia ku lidala lilala va duke kunwa amadzi, na si ga va duka mba: navutswa si mu galuki ku inze, Yahova a vola.

Zefania 2:1

Mwivungidze halala, yee, mu vunge halala, O ive ihiri u ta veye netsisoni;

Zefania 3:5

Yahova hagati hehe a veye mulungi; si a la kola bwoni mba; mugamba na mugamba a lang'aminyanga likalaga lilye, si a geheranga mba; navutswa uyu mu kyamu si a manya tsisoni mba.

Haggai 1:11

Na nda langa kimeyu ki duke ku kivala, noku vigulu, noku ubuswage, noku iwaini impya, noku maguta, noku vyamera, noku vandu, noku mitugu, noku mi yinzi gyosi gyamakono genyu.

Kwidzulitsa 28:23

Neligulu lilyo li veye igulu ku mutwe gugwo li la gwa mugasa, nekivala ki veye isi wowo ki la gwa kivya.

Vahebraina 12:25

Mu henze bulahi mu tambakana u volanga. Kigira ni va vula kuhona avambakana uyu wa va mannya mu lirova, nasindi kwinye ku la vula kuhona ni kwiyahula kuye u ku mannyanga kutwula migulu: