Jeremia 26:3 - KITABU KITAKATIFU

³ Namasia va la hulira nokweganira sa mulala kuleka inzira yeye indamano; inze nduke kweganira ku madamano aga nsaavira kuvakolera kigira budamano bwelikola lyavo.

Jeremia 26:3 Iomraidhean Croise

1 Avami 21:27

Na ga duka, lwa Ahabu ya hulira makuva yaga, hene yaho ya tandula tsingubo tsitsye, ni yivika ingubo yeligunia ku mubiri gwigwe, na a honga lilia, nokugona ku ma gunia, nokugenda galaha.

1 Avami 21:29

U lolanga Ahabu kuli yegehidzanga imbiri wa nge? Kigira yegehidzanga ndi imbiri wange, si nda leta ubudamano mu madiku gege mba; navutswa mmadiku gomwana wewe nda leta ubudamano yibu ku inyumba yeye.

Jeremia 26:13

Kunangwa kalunu mu lombe tsing'endo tsyenyu nelikola lyenyu, na mu hulire mwoyo gwa Yahova Nyasaye wenyu; na Yahova a leganira ku budamano bwa ya li na a voye ku mwinye.

Jeremia 26:19

Hezekia mwami wa Yuda na Yuda vosi viita uyu Mika? Hezekia si ya tia Yahova, nokusaala tsimbabasi tsya Yahova na Yahova yeganira ku budamano bwa ya li na a voye kuvo? Na ndiyo ku va kuiiii Jeremia nkano ku koli ubudamano ubunene ku myoyo gyetu avene.

Jeremia 36:3

Namusia inyumba ya Yuda i la hulira makuva gobudamano yibu bwosi bwa nda saavira kuvakolera; va duka kwirana sa mulala kuleka inzira yeye indamano, nduke kuvasameha ubudamano bwavo nobwoni bwavo.

Jeremia 36:7

Namusia va la leta lisaala lyavo imbiri wa Yahova nokwirana sa mulala kuleka inzira yeye indamano: kigira livihirirwa nobutima bwa Yahova bu veye bunene ligali, bwa ya vola ku avandu yava.

Ezekieli 12:3

Kigira yaga, ive mwana womundu, kola viju vivyo vyetegeke ku lyadikidzwa lilyo, wadike inyinga yombasu imbiri wetsimoni tsyavo; na u ladika kutwula hango hoho hano, u tsie ahandi imbiri wetsimoni tsyavo: namusia yavo va la ganagana, kali ni va veye inyumba yobwebaali.

Ezekieli 18:21

Navutswa mudamano ni yeganira nokuleka ubwoni bwibwe bwosi bwa ya kola, nokugumira amalago gange gosi, nokukola aga dukana nobulungi, ligali uyu a la hindira, a la vula kukudza.

Hosea 11:9

Si nda tumekira ubululu bwobutima bwange, si ndirana kudividza Efiraim: kigira mbeye Nyasaye, si mbeye mundu mba; Mutakatifu hagati hoho; na si ndingira mu butima.

Joeli 2:14

Ibwaha u manya a la vula kugirunkana nokweganira, nokulekera ubugasu inyima wewe, kali kihaanwa kyobusie na kihaanwa kyokunwa ku Yahova Nyasaye wenyu?

Jona 4:2

Naye ya saala Yahova, na a vola, Nku saalanga, O Yahova yili si li veye livola lyange, lwa nda li mu kivala kyange? Kigira yaga nda tanga kwiruka bwangu kutsia Tarshishi; kigira nda manya ive u veye Nyasaye wetsimbabasi, wizula livererera, mwikudziri ku butima, kandi wetsimbabasi tsinene, nowokugirunkana kuleka kivi.