Isaya 13:2 - KITABU KITAKATIFU

² Mwesingeridzire ibendera ku kigulu ki ta veye nemisala kinga ubulimu, mu hanzuke myoyo gyenyu, mu va sime nomukono, va duke kwingira mu viribwa vyavanene.

Isaya 13:2 Iomraidhean Croise

Zaburi 60:4

U haani ibendera ku yavo ava ku tidzanga, I lolekidzwe kigira ageligali. [Selaha

Isaya 10:32

Lidiku lya lero yili a la singira ha Nobu: a sima nomukono gwigwe ku kigulu kyomukana wa Zioni, kigulu kya Yerusalemi.

Isaya 11:12

Naye a la singeridzira tsihiri ibendera, na a la vungidza ava syuvwa va Israeli, nokuvungidza ava salanywa va Yuda kutwula kutsintulu tsine tsyelirova.

Isaya 11:15

Yahova a la dividza mukono gwe nyanza ya Egepeti; noku imbuudza yeye i sambanga a la sung'usira mu kono gwigwe ku Mugera, na a la gu kuya nokugwavukannya gu ve migera gyitano ne gyiviri, nokuvaha lya mbuka nevirenge vi ta nyola amadzi.

Isaya 18:3

Mwinye vosi avamenyi mu lirova, na mwinye avamenyi ku kivala lwa ibendera i sungwa igulu ku viguiu, mu lole; na lwa kisiliva ki kupwa, mu hulire.

Isaya 19:16

Mu lidiku yilyo Avaegepeti va la fwanana navakali; na va la degera nokutia kigira lisung'usa lyomukono gwa Yahova wa mahe, gwa a sung'usanga kuvo.

Isaya 31:9

Na lwanda lwilwe lu la twula kigira litihidzwa, navanene veve va la tihidzwa kigira ibendera, Yahova a vola, womuliru gwigwe gu veye mu Zioni, namahiga gege mu Yerusalemi.

Isaya 5:26

Na a la gingira tsihiri tsye hale ibendera, na a la va langira kutwula ku kiheri kyelirova; na henza, va ladza tsimbiru ligali.

Jeremia 50:2

Mu landidze makuva mu tsihiri mwilwadze, nokusingeridza ibendera, mwilwadze, mu ta visa mba: mu vole, Babuloni li vuguywi, Bel u leganyeywi, Merodaka u timuki enkolo; vifwananyi vyalyo vi leganyeywi, vifwananyi vyokusigamirwa vyalyo vi tsyomwa hasi.

Jeremia 50:41

Henza, avandu vadzanga ava twulanga ku luvega lwa kasikasini; va veve ihiri inene navavami avanyingi va la vukidzwa kutwula ku kiheri kyelirova.

Jeremia 51:12

Mu singeridze ibendera ku madigi ga Babuloni, mu kole bulindi bwetsingulu, mu vike avalindi, mu lombe ava goneki: kigira Yahova u saaviye, nokukola aga ya vola ku yavo ava menyanga Babuloni.

Jeremia 51:25

Henza, mbeye ku ive, O kigulu kyokudividza, Yahova a vola, ive wononnyanga lirova lyosi: nda nyira mukono gwange ku ive, na nda ku gomagominya hasi u twule mu magina, nokukola u ve kigulu kya sambwa nomuliru.

Jeremia 51:58

Yahova wa mahe a vola ndi: Amadigi ga Babuloni magalamu ga la tung'aminywa ligali, neviribwa vyalyo vya diguluka ligali vi la sambwa nomuliru; navandu va la nyankana mu miyinzi gya vutswa, netsihiri mu miyinzi gyomuliru; navo va la luha.