Haggai 1:12 - KITABU KITAKATIFU

¹² Hene yaho Zerubabeli mwana wa Shealitieli, na Joshua mwana wa Jehozadaku, musalisi munene, halala navatigala vosi vavandu, va hulira mwoyo gwa Yahova Nyasaye wavo, namakuva gomuprofeti, Haggai, kuli Yahova Nyasaye wavo ya mu tuma; navandu va tia imbiri wa Yahova.

Haggai 1:12 Iomraidhean Croise

Litanga 22:12

Naye ya vola, U ta hila mukono gugwo ku mwana, kandi u ta kola kindu kuye; kigira kalunu mmanya ive u tidzanga Nyasaye, kigira si u nyimi mwana wowo, mwana muderwa wowo.

Ezara 10:18

Nomu avana vavasalisi va nyo leka ava kwa avakali vageni: ni yava, ku avana va Jeshua, mwana wa Jozadaku, navamwavo veve, Maaseia, na Eliezeru, na Jaribu, na Gedalia.

Ezara 5:2

Hene yaho Zerubabeli mwana wa Shealitieli, na Jeshua mwana wa Jozadaku, va singira, na va tanga kwombaka inyumba ya Nyasaye ya li ha Yerusalemi; na avaprofeti va Nyasaye va li halala navo, kuva konya.

Zaburi 112:1

Mwidzominye Yahova. A veye nobugasu mundu u tidzanga Yahova, Wokusangala ligali ku malago gege.

Tsing'ano 1:7

Litia Yahova li veye litanga lyelimanya; Navutswa avasiru va lega ubugeeri na lyegidzwa.

Kohelethu 12:13

Kiheri kyenkuva yiyi ni yiki; gosi ga mali kuhulirwa: U tie Nyasaye, u gumire lilaga lilye; kigira miyinzi gyi dukiranga mundu ku budukiru bwibwe ni yigyi.

Isaya 1:19

Ni i va mu bugirira nokuhulira, mu la lia ubulahi bwekivala:

Isaya 50:10

Ni bwaha hagati henyu u tidzanga Yahova, na u huliranga mwoyo gwomutumekiri wewe? Uyu a gendanga mkisundi, na si a veye nobulavu, a suuvire ku lieta lya Yahova nokwidira ku Nyasaye wewe.

Haggai 1:1

Mu muhiga gwa kaviri gwomwami Dario, mu mweli gwegyitano na mulala, lidiku lyokutanga lyomweli, likuva lya Yahova lya duka ku Zerubabeli mwana wa Shealitieli, wa li govuna wa Buyuda, noku Joshua mwana wa Jehozadaku, musalisi munene, ku munwa gwa Haggai muprofeti, kuvola,

Haggai 1:14

Na Yahova ya vukidza mwoyo gwa Zerubabeli mwana wa Shealitieli, wa li govuna wa Buyuda, nomwoyo gwa Joshua mwana wa Jehozadaku, musalisi munene, nemyoyo gyavandu vosi avatigala; navo va tsia ni va kola miyinzi mu inyumba ya Yahova wa mahe, Nyasaye wavo,

Haggai 2:2

Kalunu u volere Zerubabeli mwana wa Shealitieli, govuna wa Buyuda na Joshua mwana wa Jehozadaku musalisi munene, navandu va tigala u va volere,

Vikolwa 9:31

Kunangwa mavugana mu Buyuda, na Galilaya, na Samaria ga li nemirembe ni lyombakwa; ni ga genda mu butii bwo Mwami, nomu lileminywa lya Roho Mutakatifu, ni li dasika.

Kwidzulitsa 31:12

U vugannye avandu, avakali navasatsa navana, na mugeni wowo u veye mu viribwa vivyo, va duke kuhulira, kandi va duke kweyegidza, nokutia Yahova Nyasaye wenyu, nokulinda kukola amakuva gosi gelilaga yili;

Kwidzulitsa 31:13

navana vavo, ava vula kumanya, va duke kuhulira, va duke kweyegidza kutia Yahova Nyasaye wenyu, madiku gosi aga mu menya mu kivala kya mwambukanga Yordani kutsia kukigumira.

Vakolosai 1:6

i veye halala nemwinye; kuli wa i veye mu lirova lyosi nokwama makuyu nokumedeka, kuli wa i veye mu mwinye kandi, kutwula lidiku lya mwa hulira nokumanya tsimbabasi tsya Nyasaye mu geligali,

Vahebraina 12:28

Kigira yaga, ni ku vugula ubwami bu ta nyala kudegeridzwa, ku ve netsimbabasi kutsyo ku duke kukolera Nyasaye, ubutumiki bwa mu yanzidza, nelitibwa nelyegehidza: