Lucas 7:41 - Kasulatan to Diyus

⁴¹ Kagi ni Jesus to “Na moydu-on otow no nigpaboos to sapì din diyà to daduwa no ka-otow. To sobu-uk, nigboos to lima no gatus, to sobu-uk, kalim-an dà.

Lucas 7:41 Iomraidhean Croise

Mateo 18:28

“Dì sikan dà no sakup, niglangub nigpatiduguk iyan to kandin kasing-sakup no moy utang diyà kandin no songo gatus dà aw tongà aw alikmata din dagwata kandin aw pinggoa din aw ikagi to ‘Ikow, bayadi a nud to utang nu!’

Mateo 6:12

Ogpasayluhon koy nu to saà noy ikow su pigpasaylu noy on to nakasaà dini kanami.

Marcos 6:37

Dì nig-ikagi si Jesus to “Iyu on to ogbogoy to ogkako-on dan.” Naka-ikagi to pangabaga ni Jesus to “Atuu, nokoy to igkabayad ta. Pila no maan no ka-otow dini. Konà buwa ogkahantoy kandan.”

Lucas 11:4

“‘Ogpasayluhon koy nu to mgo saà noy su pigpasaylu noy on to nakasaà dini kanami. Og-aha-on koy nu dow wadà buwa dini kanami no igkahimu ni Satanas no pa-antihan.’”

Lucas 12:48

Dì to sakup no wadà din katagahi to insugù to tagsakup kandin, dì nahimu din no igkahimu kandin no ogkabunaan, mahinoy dà to pagkastigu kandin. To otow no ogbogayan to dakoo, dakoo gayod to ogkasukut du-on kandin. To otow no ogbogayan to dakoo pad, dakoo pad gayod to ogkasukut du-on kandin.

Lucas 13:4

Sikan gayod sampuù tag wau no nangkamatoy no pigdo-ogan to pinatudoy no batu no matikang no bantayanan no napood diyà to longod to Siluwi no linow, dow intobo-ot now buwa dow madakoo pad to saà dan diyà to duma no taga-Hirusalim?

Lucas 7:40

Dì nama-anan dà ni Jesus dow nokoy to domdom ni Simon aw ikagihi din to “Simon, moydu-on ig-ikagi ku ikow.” Nakatabak si Simon to “Na, nokoy Sir.”

Lucas 7:47

Kaling man, ognangonan ku ikow to agaw dakoo to paglogon din kanak su napasaylu dà to saà din, agad mahan-ing. Dì to otow no ma-intok dà to napasaylu, ma-intok dà gayod to paglogon din kanak.”

Taga-Ruma 3:23

Su tibò to mgo otow, namakasaà du-on to Diyus. Wadà ogkasayà to Diyus no matuwadong to paghimu din.

Taga-Ruma 5:20

Iyan imbogoy to Diyus to kasugu-an din no pinabayà ki Moises su awos mataga bali to otow to nakasaà na-an kandan du-on to Diyus. Agad nadugang-dugangan to saà to otow, dì labow pad nasì to pagdugang-dugang to pagka-at to Diyus dini to otow.