Lucas 4:2 - Kasulatan to Diyus

² diyà to kahanongan no banwa. Du-on dà kandin pigpakamonang sood to kap-atan no adow awos panogkadan ni Satanas si Jesus to pa-antihan dow makaboos si Jesus to kabogbogan no likat to Ispiritu Santu. No du-on pad kandin, wadà ko-on kandin to sood to kap-atan no adow aw du-on niglotoy si Jesus.

Lucas 4:2 Iomraidhean Croise

Mateo 21:18

Dì pagkabukas namangpa-ulì kandan si Jesus diyà to Hirusalim. Dì no diyà pad kandan to pangindanan, si Jesus, niglotoy.

Mateo 4:2

No nakap-atan no adow si Jesus diyà to kahanongan no banwa no wadà ko-on-ko-on, niglotoy kandin lagboy.

Lucas 4:3

Na si Satanas no magbabalatak, nig-iling kandin diyà ki Jesus to “Na, ko ikow iyan to Anak to Diyus, ogbauyon nu so-idi mgo batu no ogkako-on no paan.”

Juan 4:6

Na sikan no pasak, du-on dà makabotang no saukanan no pighingadanan to Balu ni Jacob. Na si Jesus, kan no pagtidow dan du-on sikan no saukan, puli on naka-ingkud kandin du-on to dani lagboy to balun su napagud man to paghipanow. Dì to mgo pangabaga din, namanpadayong diyà to lunsud su ogboli to ogkako-on dan. Dì si Jesus, nigtagad du-on to saukan. Puli dà nali-us to mgo pangabaga din, naka-abut to buyag no taga-Samariya no ogsauk. Dì sikan no uras konà podon no litos no sasaukay su ma-ugtu man. Na si Jesus, nig-ikagi to “Og-inom a to wohig.”

Hibriyu 2:18

Kunto-on ogpakapahogot kandin to pagtu-u to otow no ogpambalatakon podon ni Satanas, su kandin, nabaya-an din to kalisodan aw kandin, pigbinalatak podon ni Satanas.

Hibriyu 4:15

Sikan ita no tumutubus diyà to atubangan to Diyus, makawka-aton dini ita no makasasaà no otow ko mapanogkadan ki, su kandin, napanogkadan ni Satanas to agad nokoy no padaan-daan, dì kandin, wadà makasaà. Kaling man ka-amu kandin to og-ongod-ongodon ki to sakit no ogbati-on ta ko mapanogkadan ki.