Lucas 23:9 - Kasulatan to Diyus

⁹ Kaling man nigpang-usip-usip ki Jesus kandin dì puli nigpapahonok si Jesus.

Lucas 23:9 Iomraidhean Croise

Mateo 27:12

Dì pagdiklamu to mgo punu-an to tinu-uhan, puli nigpapahonok si Jesus.

Mateo 27:14

Dì wadà usab ikagi si Jesus. Dì puli nigpapahonok kandin hantod to naboong-boong si Pilato no gubirnadur.

Mateo 7:6

Konà kow og-anti ogtubung to idù no langog su puli man ogbaliskadon to tutubung aw iyu on nasì to ogpanginmumungutan ogkagaton. Konà kow gayod og-anti ogtubung to kadlaganon su dagow madagilasan dà puli to tutubung aw iyu nasì to og-dugma-on aw sigboa.

Marcos 15:5

Dì wadad usab ikagi si Jesus. Puli nigpapahonok kandin hantod to naboong-boong si Pilato.

Lucas 13:32

Naka-ikagi si Jesus to “Andiya-i now kan nigpa-angod-angod to katuyù no matigpos dì matuu ogkahadok dà man. Nangoni kandin to monang ad ogkamatoy ko maponga on to igpahimu kanak. Ogpanggawang a pad to busow aw pandoyow to nangkasakit to sood pad to daduwa no adow likat kunto-on. Dì tatou kunto-on no adow, og-abut to kabahinan ku ko umabut a diyà to Hirusalim.

Lucas 23:10

Na nigsakindog to mgo punu-an to tinu-uhan aw i-aboy dan ipandiklamu si Jesus.

Juan 19:9

Nakapati-ulì mandà kandin to kahimunanan aw ka-usip din mandà si Jesus to “Intawa lagboy to piglikatan nu.” Dì du-on nigpapahonok puli si Jesus.

Mgo Hininang 8:32

So-idi to nadinog ni Felipe no pigbasa to trisuriru no wadà din kasabuti no pig-iling to “Sikan otow, konà og-atu su kandin iyan ogka-angodan din to buhì no igsundù aw konà ogkahimu-himu to ginhawa to og-atu. Iyan ogka-angodan din gayod to nati to karniru ko oggupitan to bubuu no ogpatuyun kandin.

1 Pedro 2:23

Agad pig-ina-ina kandin du-on to kinurus, dì wadà imbaos din no mado-ot. No pig-uwang-uwangan kandin wadà lina-um no ogbaos dì insalig din on tibò du-on to Diyus no matuwadong to ogbo-ot bahin kandin.