Juan 8:42 - Kasulatan to Diyus

⁴² Nig-ikagi kandin to “Ko tùtu-u, Diyus to piglikatan now podon no Amoy, igtahud a now podon su Diyus man to piglikatan ku. Wadà a puli tubuk-tubuk to pag-andini su Diyus man to nigbo-ot kanak no pigpa-andini a.

Juan 8:42 Iomraidhean Croise

Juan 1:14

Na sikan nahingadanan to Kagi to Diyus, nigpaka-otow on kandin aw agpot dini ita no mgo otow no natogob kandin to katuwadongan aw katùtu-uhanan. Inukasan din on dini kanami to kaboonganan din no kandin dà iyan to moydu-on angod sikan no kaboonganan no kandin dà gayod to sobu-ukon no Anak to Diyus.

Juan 12:49

Wadà ku itubuk i-ikagi su Amoy ku no nigpa-andini kanak, insugù din inhognà kanak to iyan igpalituk din aw ipa-ikagi.

Juan 13:3

na si Jesus no ta-un to pagpamango-on dan, pigsakindogan din to ko-onanan su ogpasagkop kandin no oghugasan din to kobong to mgo sakup din no ta-indanan to nasobu-uk on kandan. Nama-anan ni Jesus to tahan on nabogayan kandin to Diyus to kabogbogan no wadà ogboongon. Nama-anan din gayod to Diyus to piglikatan din aw ogdoogan din gayod. Na, piglobas din to nakababow no kabò din aw pamagkosa din to tuwayla du-on to hawak.

Juan 14:10

Dow wadà now buwa tu-uhi to nasobu-uk koy si Amoy? Konà no kanak dà to nalikatan to kagi no impalituk kanak. Wadà ku tubuki to pag-ikagi su Amoy ku to nigbogoy to kabogbogan su nasobu-uk koy dà man to ginhawa, aw kandin to nigpahimu kanak to agad nokoy.

Juan 16:30

Bali noy on nadaagan to nama-anan nud on to katùtu-uhanan tibò agad pad mahobong. Ogtagahon koy nu to domdom noy agad pad wadà ig-usip noy ikow. Sikan to ingkatu-u noy to Diyus to nalikatan nu.”

Juan 17:25

Amoy no matuwadong, wadà ka katagahi to mgo otow dini to kalibutan. Dì kanak, natagahan ku ikow no Diyus aw katagahi to mgo sakup ku to ikow to nigpa-andini kanak.

Juan 17:8

Impang-anad kud on kandan to kagi nu no imbogoy nu dini kanak. Pigtagonan dan iyan aw kama-ani dan lagboy to ikow to nalikatan ku aw kama-ani dan to pigpa-andini a nu to kalibutan.

Juan 3:17

Pagpa-andini to Diyus to Anak din dini to kalibutan, konà no iyan tu-ud din to ogkastiguhon to mgo otow to saà dan dì oglipwasan din kandan to saà dan.

Juan 5:23

su awos masosokod to pagtahud to mgo otow to Diyus no Amoy aw Diyus gayod no Anak. To otow no konà ogtahud to Anak to Diyus, konà dan gayod ogkatahudan to Amoy no nigpa-andini to Anak din.

Juan 5:43

Iyan ing-andini ku su ogtubus a to Amoy ku su pigbogayan a to kabogbogan din. Dì wadà kow pasakup kanak. Dì ko ogpaka-andini to duma no ogdangon to kandin dà no ogsakupan, ogpasakup kow dà kandin nasì.

Juan 8:14

Nig-ikagi si Jesus to “Agad tu-unan ku to ogmatu-ud to kanak katondanan, dì tùtu-u iyan su kanak, nama-anan ku to piglikatan ku aw kama-ani ku gayod to ogdoogan ku. Dì iyu, wadà now kama-ani to piglikatan ku aw to ogdoogan ku

1 Taga-Kurintu 16:22

Na to konà oglogon to Magbobo-ot ta, dowdo-otan. “Maranata,” no iyan nalitukan to, Magbobo-ot noy, andini kad.

Taga-Galasiya 4:4

Dì pagkagotò to adow, pigpa-andini to Diyus to Anak din no impa-anak to buyag awos mahimu ki no mgo anak to Diyus no pinabaya-an sikan Anak din no si Jesus. Pigpa-andiyà gayod si Jesus to mgo Hudiyu aw matuman din lagboy to kasugu-an no inlikwad ni Moises awos malipwasan to mgo otow no nasakup kan mgo kasugu-an.

1 Juan 4:14

To Diyus no Amoy, pigpa-andini din to Anak din awos mabogayan to mgo otow tibò to kinabuhì no konad ogkawadà. Kanak no si Juan aw mgo duma ku pad, ogkamatu-ud noy sikan su nakita-an noy kandin to tu-un noy no mata.

1 Juan 5:20

Nama-anan ta gayod to nig-andini to Anak to Diyus so-idi kalibutan aw pakilaha ki to Diyus. Nakapagduma ki to Diyus no tùtu-u aw nakapagduma ki to Anak din no si Jesu-Kristu. Diyus dà to ampu-onon no tùtu-u no nalikatan to kinabuhì ta no konad ogkawadà.

Sikan Impa-ahà ki Juan 22:1

Na impakita gayod kanak to diwata du-on sikan lunsud to wohig no makagbuhoy no sikan kinabuhì, konad ogkawadà aw mating-ow angod to pagaungan no du-on to og-ugwak to pangkà no natu-un to Diyus aw sikan Nati to Karniru.