Juan 8:2 - Kasulatan to Diyus

² Na pagkabukas nig-ulì si Jesus diyà to simbahan no labow. Nahimunan kandin to ka-otawan no ogpama-anad kandin. Kaling nig-ingkud si Jesus no ogpang-anad su tahan to mgo Hudiyu no mgo otow, ko ogpang-anad, og-ingkud.

Juan 8:2 Iomraidhean Croise

Mateo 26:55

Na nig-ikagi si Jesus to kahan-ingan no ka-otawan to “Dow oghimuhon a now no tulisan no ogdakopon now? Nokoy man to impandaa now to otak aw popokpokay. Adow-adow pigpang-anad ku iyu diyà to simbahan dì wadà a now dakopa.

Lucas 21:37

Adow-adow nigpang-anad si Jesus diyà to labow no simbahan diyà to Hirusalim. Dì diyà to og-ugpà to Ulibu-an no untud to madukilom.

Lucas 21:38

To mgo ka-otawan, no masoom-soom pad, kanunoy ogkangkahimun du-on to simbahan no ogpamaminog to impang-anad ni Jesus.

Lucas 4:20

Pagkatapus ni Jesus to pagbasa, piglukut din to nasulatan aw i-ulì diyà to tagumotong to kahimunan, aw ingkud awos ogpang-anad on su tahan man kandan ko ogpang-anad. Na to mgo otow no nangkahimun du-on to simbahan, namannongnong kandan tibò no ampan gogonokan no namantagad ko umikagi si Jesus.

Lucas 5:3

Na nigluwan si Jesus du-on to bautu no iyan tagtu-un si Simon aw padiyù-diyù kandin to mayopot. Dayun nig-ingkud kandin du-on no nigpang-anad to ka-otawan no kan kahan-ingan du-on dà to boyboy to dagat no ogpamaminog.

Juan 4:34

Nig-ikagi si Jesus to “Ogpa-aag-aagon ku to pagtuman to pagbo-ot to Diyus. Konà ku ogpa-aag-aagon to igkabuhì to lawa ku puli. To pagtuman ku to pagbo-ot to Diyus, aw kaponga to igpahinang din kanak, sikan to angay sodà ku no tùtu-u no igkabuhì ku su sikan to ingka-andini ku to pasak.

Juan 8:20

Kanunoy nigpapayag si Jesus to pagpang-anad aw kandà no adow du-on to Botanganan to Sapì to simbahan no labow pang-anad. Dì wadà nakalangub to pagdakop kandin su wadà pad kagotò to adow din.

Juan 8:3

No nang-anad si Jesus nigdatong to mgo punu-an to tinu-uhan no Parisiyu aw mag-a-anad no nigdaa to buyag no nasakpanan dan no nigpalibug kandin. Pigpapatongà dan to buyag

Mgo Hininang 5:21

Pagkabukas, nigtuman on kandan aw andiya-i to labow no simbahan aw pang-anad to ka-otawan. Na kandan aw si Anas no mata-as to mgo punu-an to tinu-uhan to mgo Hudiyu, nighihimun aw patawagi to duma no mgo punu-an tibò aw kahimun kandan. Pagkahimun dan on tibò, impapudut dan podon kan mgo tumutubus ni Jesus to mgo guwardya dan awos pa-atubangon dan on podon kandan.