Juan 4:19 - Kasulatan to Diyus

¹⁹ Naka-ikagi to buyag to “Aw, lagsoban ka na-an Sir.

Juan 4:19 Iomraidhean Croise

Mateo 21:11

Namaka-ikagi to kahan-ingan no namakaduma ki Jesus to “Kandin si Jesus no maglilikwaday no lagsoban to Diyus no taga-Nasarit no nasakup to Galiliya.”

Lucas 24:19

Kagi ni Jesus to “Nokoy to napugut buwa.” Namakatabak kandan to “Dow wadà nu kadìnogi dow ma-amonu si Jesus no taga-Nasarit no maglilikwaday to Diyus no mabogbog aw pigpanghimu din no mabogbog aw mgo pangudlin din diyà to atubangan to Diyus aw ka-otawan.

Lucas 7:16

Dayun nangkaboong-boong kandan lagboy aw mamakasayà-sayà kandan to Diyus no namaka-iling to “Bali on niglogwà dini ita to maglilikwaday to Diyus no mabogbog,” aw maka-ikagi gayod to “Nakita-an tad on to hinimu to Diyus ta kunto-on no adow.”

Lucas 7:39

Na pagkakita to Parisiyu no otow no nigbanà ki Jesus, iniling din to sood to ginhawa din to “Ko lagsoban kandin iyan to Diyus, nama-anan din on podon dow nokoy sikan no buyaga no nigtudì kandin su sikan, mado-ot man no buyag.”

Juan 4:18

Dì ikow, na-inagpotan kad on to lima no lukos. To nig-agpot gayod ikow kunto-on, puli nu dà binana-bana sikan. Tùtu-u iyan to na-ikagi nu.”

Juan 4:29

“Duma kow kanak. Og-alladan ku iyu diyà to otow no nignangon kanak to nahimu ku tibò. Dow konà buwa no Imananan to Ka-otawan sikan?”

Juan 6:14

Na pagkita to mgo otow sikan no kaboonganan no pighimu ni Jesus, nigka-inikagihay to “Maglilikwaday na-an kandin to Diyus no og-imanon na to og-andini ita no Imananan to Ka-otawan.”

Juan 7:40

Na pagkadinog to ka-otawan to impang-anad ni Jesus, moydu-on naka-ikagi to “Lagsoban na-an sikan to Diyus no sikan dà na-an iyan og-imanon ta no oglogwà to kinahudihan.”

Juan 9:17

Dì to mgo Parisiyu, inusip mandà sikan otow no natambaan to “Na, no kandin to nakadoyow ikow, nokoy to pagdomdom nu bahin to kandin katondanan.” Nakatabak kandin to “Kandin, maglilikwaday to Diyus no lagsoban.”