Juan 17:7 - Kasulatan to Diyus

⁷ Nama-anan dan on to kanak katu-unan to tibò no impamogoy nu kanak su diyà makalikat ikow.

Juan 17:7 Iomraidhean Croise

Juan 14:20

Ko umabut to Ispiritu Santu, ogkama-anan now lagboy to nasobu-uk koy dà lagboy si Amoy aw kasobu-uk kinow dà gayod.

Juan 16:15

To katu-unan to Diyus no Amoy, katu-unan ku dà gayod sikan. Kaling man ingka-ikagi ku iyu to Ispiritu Santu, ogtagahon kow din bahin kanak tibò.

Juan 17:10

Su katu-unan ku tibò no mgo sakup, katu-unan nu gayod, aw natahud a su nalabot kud on kandan.

Juan 17:6

“Na pig-ukasan kud to ikòw no ngadan Amoy, du-on to mgo otow no imbogoy nu kanak no wadad kalabotan dan dini to babow to kalibutan. Ikow on no sakup kandan, aw ibogoy nu dà dini kanak. Natuman dan on to ikow no kagi.

Juan 17:8

Impang-anad kud on kandan to kagi nu no imbogoy nu dini kanak. Pigtagonan dan iyan aw kama-ani dan lagboy to ikow to nalikatan ku aw kama-ani dan to pigpa-andini a nu to kalibutan.

Juan 8:28

Nig-iling si Jesus to “Sikan Tumutubus to Ka-otawan no pig-iman now no insahad iyu to Diyus, ogpadodopahon now nasì du-on to kinurus. Kayan pana ogkama-anan now to kanak iyan sikan Tumutubus to Ka-otawan aw wadà a tubuk-tubuk to pagpanghinang likat to kanak dà tu-un no kabogbogan dì iyan dà pig-ikagi ku to impang-anad kanak to Amoy ku.