Filemon 1:23 - Kasulatan to Diyus

²³ Na, si Ipaparas no duma ku no napirisu gayod su impasabut noy to Madoyow no Tutuwanon bahin ki Jesu-Kristu, igpadaa din to pangamusta din gayod.

Filemon 1:23 Iomraidhean Croise

Taga-Ruma 16:7

Igpangamusta a now ki Andronico aw si Huniyas no su-un ku aw kasing-pirisu ku natodu-on no bantugan no tumutubus ni Jesus no nig-una iyan kanak nigpasakup ki Jesus.

Taga-Kulusas 1:7

Si Ipaparas no piglogonan noy, impang-anad din iyu sikan no nigtubus kandin kanami. Kandin no kasing-sugu-onon noy dà ni Jesu-Kristu, ogkasaligan kandin.

Taga-Kulusas 4:10

Si Aristarku no kasing-kapirisu ku, aw si Marcos no su-un ni Bernabe, igpadaa dan to igpangamusta dan iyu. Nadawat now on to intugun to igpadawat si Marcos to madoyow ko maka-abut kandin diyà iyu.

Taga-Kulusas 4:12

Si Ipaparas no duma now dà gayod aw sugu-onon gayod ni Jesu-Kristu, igpadaa din gayod to igpangamusta din. Kanunoy kow din og-ampu-an lagboy to Diyus no ogpangamuyù kandin to Diyus awos patibuuson to ginhawa now aw ogminanigo-onon to domdom now no sakup to Diyus aw ogkama-anan now dow nokoy to pagbo-ot to Diyus.

Filemon 1:1

So-idi no sulat, likat kanami no si Pablo aw si Timoteo no su-un ta dà gayod to pagtu-u no sulat noy diyà ikow Filemon no pigtagaman noy no kapadihu noy no mag-a-anad gayod to kagi to Diyus aw diyà ki Apiya no atoboy noy aw diyà ki Arkipu no kanami kapadihu no sundau ni Jesu-Kristu aw diyà to duma no sinakupan ni Jesu-Kristu no kanunoy oghihimun diyà to ikow no baoy Filemon. No pagsulat ku so-idi, napirisu a su nigpasabut a to Madoyow no Tutuwanon bahin ki Jesus.

Filemon 1:9

Dì puli a ognangon ikow to ogkaliyagan ku no igpatuman ku ikow bahin ki Unisimu no udipon nu su ikow, pigtagaman ku no lagi ku. Kanak no si Pablo no tumutubus ni Jesu-Kristu, napirisu a su nigpang-anad a bahin kandin.