Apocalipse 7:10 - Amenan pe paapaya uyetato'kon

¹⁰ Inkamoro entaimepîtî'pî meruntî ke pu'kuru: —Anna Yepotorî Paapa taponse' po manni', moropai carneiro winîpai anna e'pîika'tîto' iipî. Kure'ne anna pîika'tî'pî to'ya —ta'pî to'ya.

Apocalipse 7:10 Iomraidhean Croise

Lucas 3:6

Mîrîrî yai tamî'nawîronkon pemonkonyamî'ya pîika'tînto'pe Paapa nîtîrî'pî epu'tî kupî sîrîrî,” taiya Is 40.3-5 kai'ma Isaías nîmenuka'pî. Mîrîrî yawîrî ikupî'pî Joãoya.

João 1:29

Mîrîrî tîpo tiaron wei yai, tîîpia Jesus iipî era'ma'pî Joãoya. Jesus era'mai'ma ta'pîiya tamî'nawîronkon pî': —A'kî, manni' Paapa nîmenka'pî aasa'mantato'pe Carneiro era'matî. Mîserîya tamî'nawîronkon nîkupî'pî imakui'pî mo'ka —ta'pî Joãoya.

João 1:36

Mîrîrî poro Jesus wîtî era'ma'pî Joãoya. Ta'pîiya tînenupa'san pî': —A'kî, mîîkîrî carneiro Paapa nîtîrî ton aasa'mantato'pe uurî'nîkon ton pe —ta'pîiya.

João 4:22

Amîrî'nîkon man anî' yapurîya'nîkon epu'tîya'nîkon pra naatîi. Anî' yapurî annaya epu'tî pî' anna man, maasa pra tamî'nawîronkon pîika'tîton iipî ekareme'sa' Paapaya Judeuyamî' winîpai.

Efésios 2:8

Maasa pra epe'mîra Paapa nîtîrî'pî wenai amîrî'nîkon e'pîika'tîsa', innape ikupîya'nîkon ye'nen. Itu'se amîrî'nîkon e'to' wenai pra, î' ankupî'pîkon wenai pra, tîîse amîrî'nîkon repa'pîiya epe'mîra.

Apocalipse 12:10

Mîrîrî tîpo mai eta'pîuya meruntî ke ka' winîpai. Ta'pîiya: —Tarîpai Paapa winîpai e'pîika'tînto' erepansa' man! Moropai Paapaya î' kai'ma tîmeruntîri, moropai î' kai'ma tamî'nawîronkon ko'mannî'nen pe tîwe'to' yenposai'ya man. Moropai î' kai'ma inmenka'pî, Cristoya tamî'nawîronkon ko'mannîpî tîmaimu pe, manni' yenposai'ya man. Maasa pra manni'kan uyonpakon pokonoma pî' tîîko'mansen Paapa pî' wei kaisarî moropai ewaron kaisarî, mîîkîrî yenumî'pî to'ya man ka' poi non pona.

Apocalipse 19:1

Moropai mîrîrî tîpo mai eta'pîuya meruntî pu'kuru, tu'kankon ka' ponkon maimu warainon. Ta'pî to'ya: —Paapa yapurîtî, iipia e'pîika'tînto' wanî ye'nen. Iipia morî pe pu'kuru tîwanî wenai, moropai meruntî ke pu'kuru tîwanî wenai upîika'tîiya'nîkon.

Apocalipse 21:5

Manni' ereutanto' pona ereuta'pîya ta'pî: —Tarîpai tamî'nawîron konekauya amenan pe. Moropai uyarakkîrî eeseurîma'pî. —Sîrîrî menukakî. Maasa pra sîrîrî mai wanî sîrîrî yairon pe pu'kuru tîwe'sen pe. Moropai innape tîkupî yu'se tîwe'sen pe.

Apocalipse 22:3

Miarî cidade po Paapa nîtaruma'tî ton pra wanî, tîîse tamî'nawîron wanî morî pe. Moropai Paapa yaponse' moropai Carneiro yaponse' wanî pe man miarî. Moropai ipemonkonoyamî', yapurînenanya yapurî miarî.

Apocalipse 4:6

Mîrîrî ereutanto' rawîrî awanî'pî kure'nan pîrana warainon, tî' cristal manni' awai'nan warantî awanî'pî. Mîrîrî woi se' yataimîrî e'winî pairî asakîrîrî tîîko'mansenon wanî'pî. Inkamoro yenu wanî'pî tamî'nawîrî taretî'kai iporo. E'mai' pe irawîrî moropai ite'ma'pî pî'.

Apocalipse 5:7

Moropai mîîkîrî carneiro wîtî'pî mîîkîrî ereuta'pî yenyawon, meruntî winî tîwe'sen kaareta yapisî'pîiya.