Apocalipse 12:2 - Amenan pe paapaya uyetato'kon

² Mîîkîrî wanî'pî more yan pe. Mîrîrî ye'nen awentaimepîtî ko'mannîpî'pî ne'ne' more wanî pî', tînre yenpo tîuya yai.

Apocalipse 12:2 Iomraidhean Croise

Mateus 24:8

Sîrîrî ye'ka e'kupî kupî sîrîrî manni' e'mai'non ne'ne' epu'tî more yan pe tîwe'sen wîri'ya warantî —ta'pî Jesusya.

João 16:21

Wîri' mîîkîrî tînre esenpo kupî ya, eesewankono'makoi. Maasa pra tîwe'taruma'tî weiyu eseposa' ye'nen. Tîîse tînre esenposa' tîpo, inî'rî tîwe'taruma'tîto' pî' awenpenata pepîn. Tîîse more esenposa' pî' aatausinpa.

Gálatas 4:19

Uyonpayamî', unsa'namakon, kure'ne apî'nîkon esenumenka, unmukuyamî' warantî awanîkon ye'nen. Uurî wanî asankon warantî. Manni' wîri', more yanya tîmoron epu'tî tînre yenpoto' tîuya weiyu yai warantî umoron epu'tîuya awenai'nîkon. Maasa pra kure'ne itu'se wanî amîrî'nîkon ena Cristo warantî iteseru warantî aako'mamîkonpa.

Gálatas 4:27

Maasa pra Paapa maimu e'menukasa'ya taasa' man: Amîrî wîri', manni' î' pensa more yenpotîpon pepîn taatausinpai e'kî. Amîrî î' pensa more morontasa' epu'tîtîpon pepîn. Mararî pra entaimepî'kî aatausinpasa' wenai. Maasa pra manni' wîri', inyo nîrumaka'pî, mîîkîrî payanî'san wanî kupî sîrîrî mararî pra, manni' tînyo yarakkîrî tîîko'mansen payanî'san yentai Is 54.1 taasai'ya man.

Apocalipse 12:4

Mîîkîrîya taukî ke arakkita pairî yonpa sirikkîyamî' woroka'pî ka' poi. Inkamoro soroka'pîiya non pona. Moropai mîîkîrî emî'pamî'pî wîri' rawîrî î' pensa tînre yenpo wîri'ya ya, yanîpa kai'ma.