Mateo 5:3 - Samarenyo Meaning-Based Bible (1984)

³ “Palaran adton nakilala nga kablas hira ha espiritu, kay ira an Ginhadian han langit!

Mateo 5:3 Iomraidhean Croise

Isaias 66:2

Ako an nagtuha han bug-os nga kalibutan! Nalilipay ako hadton mga nagpapaubos ngan nagbabasol, hadton nahahadlok ngan nagsusugot ha akon.

Mga Darahonon 29:23

Magdadara han imo pagkapukan an pagkamapinahitas-on, kundi pagtatahoron ka kon ikaw mapinaubsanon.

Mga Salmo 34:18

Hiraniay gad la an aton Ginoo hadton mga nahuhulop na hin duro. Tinatalwas niya adton nagugupong, an nawad-an na han tanan nga paglaom.

Mga Darahonon 16:19

Mauruupay pa an kakablas ngan an pagpaubos kay hin pag-angbit han tinikas han mga mapahitas-on.

Lucas 18:14

Ngan nagsiring hi Jesus, “Susumatan ko kamo, an parasukot hin buhis, diri an Parisiyo an gin-isip nga matadong ha atubangan han Dyos, han pag-oli niya. Kay an magpahitaas han iya kalugaringon pauubson, ngan an magpaubos pahihitas-on.”

2 Cronicas 7:14

ngan mag-ampo hira ha akon ngan magbasol ngan bumaya han maraot nga ira binuhatan, niyan pamamatian ko hira didto ha langit, pasasayloon ko an ira mga sala, ngan magmamainuswagon hira dinhe han ira tuna.

Mga Salmo 51:17

An akon halad amo in usa nga mapinaubsanon nga espiritu, O Dyos; diri mo pagtatamayon in mapinaubsanon nga nagbabasol nga kasingkasing.

Isaias 57:15

“Ako amo an gilalabawi ngan baraan nga Dyos, nga buhi ha kadayonan. Nag-uokoy ako didto hin hitaas ngan baraan nga dapit, kundi nag-uokoy liwat ako upod hin mga tawo nga mapinaubsanon ngan mabinasolon, basi makapahiuli ako han ira pagtapod ug paglaom.

Santiago 2:5

Pamatii niyo, hinigugma ko nga kabugtoan! Ginpili han Dyos an kablas nga mga tawo hini nga kalibutan, basi mariko hira hin pagtoo ngan makaangkon han Ginhadian nga iginsaad niya hadton mga nahigugma ha iya.

Isaias 61:1

Aadi ha akon an espiritu han Ginoo nga Dyos. Ginpili ngan ginsugo ako niya Hin pagdara hin maupay nga sumat ngadto han mga kablas. Hin pagtambal han mga masulob-on, Hin pagpahibaro hin katalwasan ngadto han mga bihag, Ngan hin kagawasan ngadto hadton mga priso.

2 Cronicas 34:27

ngan nagbasol nga nagpaubos ka ha akon atubangan, pinaagi han paggisi han imo panapton ngan pagtangis han imo pakabati han akon pagtarhoga hin pagkastigo han Jerusalem ngan han iya mga tawo. Hinbatian ko an imo pag-ampo.

Miqueas 6:8

Diri, ginsumatan kita han Ginoo kon ano an maupay. Amo ini an ginkikinahanglan niya ha aton: pagbuhat hin matadong, pagpakita hin dayuday nga paghigugma, ngan pag-ukoy ha mapinaubsanon nga pakigkausa han aton Dyos.

Lucas 11:28

Kundi binmaton hi Jesus, “Lugod pagkapalaran hadton mga namamati ngan nagtutuman han pulong han Dyos!”

Mga Salmo 112:1

Dayawon an Ginoo! Malipayon an tawo nga natahod han Ginoo, nga nalilipay pagtuman han iya mga sugo!

Mga Salmo 1:1

Palaran an tawo nga diri natuod han sagdon han mga magraot, nga diri nasunod han susbaranan han mga makasasala o natampo hadton nagtatamay han Dyos.

An Basahan ni Job 42:6

Sanglit naaawod ako han ngatanan nga akon iginyakan, ngan nagbabasol ako nga nahigda ha tapotapo ngan ha mga agbon.

Mateo 11:25

Hito nga panahon nagsiring hi Jesus, “O Amay, Ginoo han langit ngan han tuna! Nagpapasalamat ako ha imo, kay imo iginpahayag hadton mga tapang an imo gintago ha mga mag-aram ug may-ada hibaro.

Lucas 4:18

“Aadi ha akon an Espiritu han Ginoo, kay ginpili ako niya hin pagwali han Maupay nga Sumat ha mga kablas. Ginsugo ako niya pagpasangyaw han katalwasan ngadto ha mga binihag, ngan hin pagpabalik han pakakita han mga buta; hin pagtalwas han mga tinalumpigos,

Marcos 10:14

Han pakakita ni Jesus hini, nasina hiya ngan nagsiring ha iya mga tinun-an, “Pabay-i niyo nga dumaop ha akon an kabataan! Ayaw niyo pagdid-i hira, kay sugad ha ira la an makakaangkon han Ginhadian han Dyos.

Mateo 13:16

“Kundi kamo, hin kapalaran niyo! Kay nakakakita an iyo mga mata ngan nakakabati an iyo mga durunggan.

Isaias 30:18

Kundi naghuhulat an Ginoo hin pagpakita han iya kalooy ha iyo. Andam hiya hin pagpaid ha iyo, kay dayuday ginbubuhat niya an matadong. Malipayon adton mga nasarig han Ginoo.

Mga Salmo 146:5

Hin pagkapalaran hadton tawo gudman, ngan an Dyos ni Jacob an iya katabang. Ngan kon adton iya gud sinasarigan, amo an Ginoo nga Dyos nga gamhanan.

2 Cronicas 33:12

Ha iya pag-antos nagmapinaubsanon hiya, dinmangop hiya han Ginoo nga iya Dyos, ngan nangaro han iya tambulig.

Mga Salmo 41:1

Pagkapalaran gud hadton mga tawo nga may'da pagpaid hadton mga pobre; kay bubuligan man hira han Ginoo ha takna nga hira amo na'n magkuri.

Mga Salmo 2:12

ngan yukbo; ngan bangin dumugang an iya kasina, ngan mapatay kamo hin tigda. Malipayon an ngatanan nga mapakadto, hin panalipod ha iya pangaro.

2 Cronicas 33:23

Kundi diri sugad han iya amay, waray hiya magmapinaubsanon ngan dumangop han Ginoo; labaw pa ngani hiya hin kamakasasala kay han iya amay.

Santiago 1:12

Palaran an tawo nga nagpapadayon hin kamatinumanon ha butnga hin mga pagsulay, kay kon makadaog hiya han mga pagsulay ha iya, makarawat hiya han kinabuhi, an balos nga iginsaad han Dyos hadton mga nahigugma ha iya.

Juan 20:29

Nagsiring hi Jesus ha iya, “Natoo ka na ba kay nakakita ka ha akon? Palaran adton natoo bisan waray makakita ha akon!”

Mateo 24:46

Pagkamalipayon hito nga surugoon, kon ha pag-oli han iya agaron, hiabotan hiya nga nagtutuman hini!

Mga Salmo 84:12

Palaran an tawo kanay sariganan Ikaw nga Dyos nga Gamhanan han Ngatanan.

Deuteronomio 8:2

Hinumdomi an pagpangulo ha iyo han Ginoo nga iyo Dyos dida hini nga maiha nga pagtalabok niyo han kamingawan hini nga naglabay nga 40 ka tuig, nga nagpadara hiya hin mga kakurian hin pagsari ha iyo, basi hibaroan niya an karuyag niyo pagbuhaton, ngan kon magsusugot ba kamo han iya mga sugo.

Santiago 1:10

ngan an riko nga bugto kon paubson hiya han Dyos. Kay magpapapas an manggaranon sugad han bukad han tanom ha kapatagan.

Mga Darahonon 8:32

“Yana, mga batan-on nga kalalaken-an, pamatii ako niyo. Buhata an akon iginsiring ngan magmamalipayon kamo.

2 Cronicas 33:19

Nahisurat ngatanan dida han Kasaysayan han mga Manaragna, an pag-ampo han hadi ngan an baton han Dyos, ngan in susumaton han mga sala nga iya nabuhat han waray pa hiya magbasol—an karat-an nga iya ginbuhat, an pagano nga mga dapit hin pagsingba, ngan an mga ladawan han diyosa nga hi Asera nga iya ginhimo, ngan an mga diyosdiyos nga iya ginsingba.

Ginpadayag 22:14

Palaran adton maglimpyo han ira higlawig nga mga bado, basi may-ada nira katungod hin pagkaon han bunga tikang han kahoy han kinabuhi, ngan hin pagsulod han syudad.

Ginpadayag 19:9

Niyan nagsiring ha akon an anghel, “Igsurat ini: Palaran adton mga gindapit ngadto han kombite han kasal han Kordero.” Ngan iginsumpay pa han anghel, “Amo ini an matuod nga mga pulong han Dyos.”

Mateo 25:34

Niyan masiring an hadi ngadto han mga tawo ha iya tuo, ‘Pakadi kamo nga ginpakaupay han akon Amay, ngan karawta niyo an ginhadian nga igin-andam para ha iyo tikang pa han kahimo han kalibutan.

Mga Salmo 128:1

Palaran adton nahadlok han Ginoo, an nagtutuman han iya mga sugo!

Mateo 11:6

Hin kapalaran hadton waray pagruhaduha ha akon!”

Mateo 8:11

Tigamni niyo ini: damo in maabot tikang ha sinirangan ngan ha katundan, ngan makikigsaro kanda Abraham, Isaac, ug Jacob didto han Ginhadian han langit,

Mateo 3:2

Nagsiring hiya, “Magbasol ngan bayai an iyo mga sala kay hirani na an Ginhadian han langit.”

Mateo 19:14

Nagsiring hi Jesus, “Tugoti niyo an kabataan hin pagdaop ha akon ngan ayaw niyo pagdid-i hira. Kay an Ginhadian han langit para la hin sugad ha ira.”

Lucas 22:29

ngan sugad nga gintagan ako han akon Amay han katungod hin paghadi, tatagan ko man kamo han amo ngahaw nga katungod.

Lucas 22:30

Makaon ngan mainom kamo ha akon lamesa didto han akon Ginhadian, ngan malingkod kamo ha mga trono hin paghukom han dose nga mga tribo han Israel.

Ginpadayag 3:17

Nasiring ka, ‘Riko ako ngan maupay iton akon kamutangan; may-ada ko han ngatanan nga ginkikinahanglan.’ Kundi diri ka maaram han imo makalolooy ngan makapapaid nga kamutangan! Kablas, hubo, ngan buta ka.