Lucas 8:9 - Samarenyo Meaning-Based Bible (1984)

⁹ Nagpakiana kan Jesus an iya mga tinun-an kon ano an kahulogan hini nga pananglitan.

Lucas 8:9 Iomraidhean Croise

Oseas 6:3

Talinguhaa ta hin pagkilala han Ginoo. Makanhi hiya ha aton sugad han pagpunias han adlaw, sugad han pag-uran ha tuna kon panahon hin pananom o pamugas.”

Mateo 13:10

Dinmaop kan Jesus an mga tinun-an ngan nagpakiana ha iya, “Kay ano ngan nagamit ka man hin mga pananglitan kon nagyayakan ka ha ira?”

Mateo 13:18

“Sanglit pamati ngan hibaroi niyo an kahulogan han pananglitan han magsarabod.

Mateo 13:36

Niyan binmaya hi Jesus han mga tawo ngan sinmakob hin balay. Hinmarani ha iya an iya mga tinun-an, ngan nagsiring ha iya; “Sumati daw kami han kahulogan han pananglitan han mga banwa ha uma.”

Mateo 15:15

Nagsiring hi Pedro, “Sumati daw kami han kahulogan hini nga pananglitan.”

Marcos 4:10

Han nag-uusaan na la hi Jesus, dinmaop ha iya adton iba nga nakabati ha iya upod an dose nga mga tinun-an, ngan naghangyo nga igsaysay niya an mga pananglitan.

Marcos 4:34

Waray gud hiya magyakan ha ira kon diri pinaagi hin mga pananglitan; kundi kon an iya mga tinun-an la an iya kahimangraw, iya iginsasaysay an ngatanan ha ira.

Juan 15:15

Diri ko na kamo tatawgon nga mga surugoon, kay diri maaram an surugoon han ginbubuhat han iya agaron. Lugod, tatawagon ko kamo nga mga sangkay, kay iginsumat ko ha iyo an ngatanan nga hinbatian ko tikang han akon Amay.