Lucas 8:8 - Samarenyo Meaning-Based Bible (1984)

⁸ Ngan nagkataktak man an iba nga mga binhe ha maupay nga tuna; tinmubo an mga tanom, ngan nanmunga hin tag 100 ka lugas an kada usa.” Ngan gintapos ni Jesus pagsiring, “Sanglit, pamati kamo, kon may-ada niyo mga durunggan!”

Lucas 8:8 Iomraidhean Croise

Genesis 26:12

Nagpugas hi Isaac didto hito nga tuna, ngan hito nga tuig nag-ani hiya hin 100 ka pilo han iya iginpugas, kay ginpakaupay hiya han Ginoo.

Mga Darahonon 20:12

Naghatag ha aton an Ginoo hin mga mata nga igkirita, ngan mga durunggan nga igpamarati.

Mga Darahonon 8:1

Pamati! Nagtatawag an Kinaadman. Naggogoliat an Pagsabot!

Jeremias 13:15

Mga tawo han Israel, nagyakan an Ginoo! Pagpaubos kamo ngan pamati ha iya.

Jeremias 25:4

Waray gud kamo pamati o bumali bisan kon nagpadayon an Ginoo hin pagpadara ha iyo han iya mga surugoon nga mga manaragna.

Mateo 11:15

Sanglit, pamati kamo kon may niyo mga durunggan!

Mateo 13:23

Ngan an binhe nga iginpugas ha maupay nga tuna amo an mga tawo nga namamati ngan nakakasabot han mensahe. Namumunga hira, may nabunga hin 100 ka pilo, 60 ka pilo an iba, ngan an iba, 30 ka pilo.”

Marcos 4:20

Kundi an iba nga mga tawo sugad hin mga binhe nga ginsabod ha maupay nga tuna. Namamati hira han pulong, ira kinakarawat ngan namumunga. May-ada nabunga hin 30 ka pilo, an iba 60 ka pilo, ngan an iba na man, 100 ka pilo.”

Marcos 4:23

Kon hin-o an may mga durunggan, mamati hin maupay!”

Marcos 4:8

Kundi may mga binhe nga nahulog ha maupay nga tuna. Tinmurok an binhe, tinmubo ngan namunga: may-ada namunga hin 30 ka pilo, 60 ka pilo an iba, ngan 100 ka pilo an iba liwat.”

Marcos 7:16

Sanglit, mamati an may-ada durunggan.”]

Lucas 14:35

Diri na ini maupay para ha tuna o magamit para hin pag-abuno; gabay na la ilabog. Sanglit, pamati kamo kon may niyo mga durunggan!”

Lucas 8:15

An binhe nga nahulog ha maupay nga tuna, amo adton namamati han mensahe ngan gintitipigan nira ha maupay ngan masinugtanon nga kasingkasing, ngan nagpapadayon hira tubtob nga makapamunga.

Lucas 8:7

Nagkataktak an iba han mga binhe ha katunokan, nga tinmubo tampo han mga tanom, ngan naambongan an mga tanom.

Mga Taga-Efeso 2:10

An Dyos amo an aton Magburuhat, ngan ha aton pakig-usa kan Cristo Jesus, ginhimo kita niya para hin kinabuhi nga mag-upay an mga binuhatan, nga gin-aandam na niya nga aton pagtutumanon.

Mga Taga-Colosas 1:10

Niyan makakahimo kamo hin pag-ukoy hin kinabuhi sumala han karuyag han Ginoo, ngan dayuday bubuhaton niyo adton makakalipay ha iya. An iyo mga kinabuhi mahatag han ngatanan nga mag-upay nga mga buhat, ngan matubo kamo dida han iyo paghibaro han Dyos.

Ginpadayag 13:9

“Sanglit, pamati, kon may-ada niyo mga durunggan!

Ginpadayag 2:11

“Kon may-ada ka durunggan, pamati han igsisiring han Espiritu ngadto han mga singbahan! “Adton makakapot han pagdarag-an diri na mahiaagom han ikaduha nga kamatayon.

Ginpadayag 2:7

“Sanglit kon may-ada ka durunggan, pamati han igsisiring han Espiritu ngadto han mga singbahan! “Adton makakapot han pagdarag-an ihahatag ko an katungod hin pagkaon han bunga han kahoy han kinabuhi nga gintanom didto han Tanaman han Dyos.

Ginpadayag 3:13

“Kon may-ada ka durungan, pamati han igsisiring han Espiritu ngadto han mga singbahan.

Ginpadayag 3:6

“Kon may-ada ka durunggan, pamati han igsisiring han Espiritu ngadto han mga singbahan.