Lucas 8:6 - Samarenyo Meaning-Based Bible (1984)

⁶ Nagkataktak in pira han mga binhe ha batoon nga tuna, ngan han pagtubo na han mga tanom, nagkalalaya hira, kay mamara man an tuna.

Lucas 8:6 Iomraidhean Croise

Jeremias 5:3

Tinuod nga nangingita an Ginoo hin pagkamatinumanon. Ginhampak kamo niya, kundi waray la kamo bumali; gindugmok kamo niya, kundi dinmiri kamo hin paghibaro. Magtig-a an iyo mga ulo, ngan waray kamo bumaya han iyo mga sala.

Ezequiel 11:19

Tatagan ko hira hin bag-o nga kasingkasing ngan bag-o nga hunahuna. Kukuhaon ko an ira matig-a nga kasingkasing ngan liliwanan ko hin malumo nga kasingkasing.

Ezequiel 36:26

Tatagan ko kamo hin bag-o nga kasingkasing ngan bag-o nga hunahuna. Kukuhaon ko an iyo matig-a nga kasingkasing ngan tatagan ko kamo hin malumo nga kasingkasing.

Amos 6:12

Nadalagan ba an mga kabayo dida hin kababtoan? Gin-aarado ba hin mga tawo an dagat pinaagi hin mga baka? Kundi ginhimo niyo nga hilo an katadongan ngan sayop an matadong.

Lucas 8:13

An binhe nga nataktak ha batoon nga tuna amo an namamati, kundi diri gud ini nakakapanggamot; natoo hira hin madaliay la, ngan nabaya kon naabot na an panahon hin pagsulay ha ira.

Lucas 8:5

“Ginmawas in usa ka tawo pagsabod han iya binhe. Samtang iginsasabod niya ha tuna an binhe, nagkataktak in pira han mga binhe ha ligid han dalan, diin natamakan ini, ngan pinanuktok han katamsihan.

Lucas 8:7

Nagkataktak an iba han mga binhe ha katunokan, nga tinmubo tampo han mga tanom, ngan naambongan an mga tanom.

Hebreo 3:15

Amo ini an siring han kasuratan: “Kon hibatian niyo an tingog han Dyos yana nga adlaw, ayaw na patig-aha an iyo kasingkasing sugad han iyo kaapoy-apoyan han pagsupil nira han Dyos.”