Lucas 8:12 - Samarenyo Meaning-Based Bible (1984)

¹² An mga namamati amo an binhe nga nataktak ha ligid han dalan, kundi naabot an Yawa ngan inaagaw an mensahe tikang ha ira mga kasingkasing, basi diri hira tumuo ngan matalwas.

Lucas 8:12 Iomraidhean Croise

Mga Darahonon 1:29

Waray gud gamit ha iyo an hibaro, ngan dayuday la kamo nagdudumiri hin pagsugot han Ginoo.

Mga Darahonon 4:5

Angkona an kinaadman ug an maupay nga pagsabot! Ayaw hingalimti o pagpasibay-i an akon iginsiring.

Isaias 65:11

“Kundi magigin iba ini para ha iyo nga nagsasalikway ha akon, nga nagpapasibaya han Sion, an akon baraan nga pungtod, ngan nagsisingba kanda Gad ug Meni nga kadiyosan hin buynas ug kapalaran.

Mateo 13:19

Adton nakabati han mensahe mahitungod han Ginhadian sugad hira han binhe nga nahulog ha dalan, kundi waray makasabot hini. Inmabot an Yawa ngan gin-agaw an iginsabod dida ha ira.

Mateo 13:4

Han pagsabod niya han binhe, may-ada nahulog ha dalan, ngan inmabot in mga tamsi ngan pinanuktok an mga binhe.

Marcos 4:15

May-ada mga tawo nga sugad han mga binhe nga nahulog ha dalan. Pakakabati nira han mensahe, naabot dayon hi Satanas ngan inaagaw an mensahe ha ira.

Lucas 8:11

“Amo ini an kahulogan han pananglitan: an pulong han Dyos amo an binhe.

Lucas 8:13

An binhe nga nataktak ha batoon nga tuna amo an namamati, kundi diri gud ini nakakapanggamot; natoo hira hin madaliay la, ngan nabaya kon naabot na an panahon hin pagsulay ha ira.

Lucas 8:5

“Ginmawas in usa ka tawo pagsabod han iya binhe. Samtang iginsasabod niya ha tuna an binhe, nagkataktak in pira han mga binhe ha ligid han dalan, diin natamakan ini, ngan pinanuktok han katamsihan.

Ginpadayag 12:9

Iginlabog ha gawas an duro kadako nga dragon! Amo hiya adton kadaan nga dako nga halas nga ginngaranan nga Yawa, o Satanas, nga amo an naglimbong han bug-os nga kalibutan. Iginhulog hiya ngadto ha tuna upod an ngatanan nga iya sakop nga mga anghel.