Lucas 7:12 - Samarenyo Meaning-Based Bible (1984)

¹² Han pag-abot niya ha ulpotan han bungto, amo man liwat an paggawas han mga tawo nga naglulubong hin minatay. An minatay amo gud la nga anak hin balo nga babaye, ngan gin-updan an babaye hin damo nga mga tawo tikang ha bungto.

Lucas 7:12 Iomraidhean Croise

Genesis 22:12

“Ayaw pagsamara an bata o pagbuhati hiya hin bisan ano nga maraot,” nagsiring hiya. “Yana maaram na ako nga may-ada ka masinugtanon nga pagtahod han Dyos, kay waray mo ighalot ha akon an imo usa la nga anak.”

Genesis 22:2

Nagsiring an Dyos, “Dad-a an imo anak nga lalake, an imo uusa la nga anak nga hi Isaac, nga imo gud hinihigugma, ngan pakadto han tuna han Moria. Didto hin usa nga bukid nga igpapakita ko ha imo, ighalad hiya ha akon sugad nga usa nga halad nga tinubod.”

2 Samuel 14:7

Ngan yana kontra ako han akon kauropdan, ngan karuyag nira nga itubyan ko ngadto ha ira an akon anak, basi patayon nira tungod han pagpataya niya han iya bugto. Kon buhaton nira ini, mawawaray na ako anak! Waray na an akon kataposan nga paglaom, ngan waray na anak nga lalake an akon bana nga magpapadayon han iya ngaran.”

1 Hadi 17:12

Binmaton hiya, “Sayod an buhi nga Ginoo nga imo Dyos, nga waray na ako tinapay. Uusa na la kaharop an akon arina nga aada hin usa nga makaong ngan gutiay nga lana hin olibo nga aada hin usa nga tibod. Kinmanhi ako pangahoy hin mga igsurungo basi gamiton ko hin pagluto han gutiay pa nga nahibibilin para han akon anak ngan ha akon. Kataposan ini nga amon pagkaon, ngan kahuman, mapatay kami hin gutom.”

1 Hadi 17:18

Nagsiring kan Elias an balo, “Tawo han Dyos, kay ano nga ginbuhat mo ini ha akon? Kinmanhi ka ba hin pagpahinumdom ha akon han akon mga sala, basi mamatay an akon anak?”

1 Hadi 17:23

Iginlusad ni Elias an bata ngadto han iroy niya, ngan nagsiring ha iya, “Kitaa, buhi na an imo anak?”

1 Hadi 17:9

“Pakadto ha bungto han Sarefta hirani han Sidon, ngan pag-ukoy didto. Ginsugo ko na in usa nga balo nga babaye nga nag-uokoy didto hin pagpakaon ha imo.”

2 Hadi 4:16

ngan nagsiring ha iya hi Eliseo, “Ha sugad hini nga panahon han sunod nga tuig magkukugos ka hin anak nga lalake.” Nagsiring hiya, “Ha? Ayaw gad pagbinuwa. Tawo ka man han Dyos!”

2 Hadi 4:20

Gindara han surugoon ngadto han nanay an bata, nga ginpalingkod ha iya paa ngada han pagkaudto, ngan namatay an bata.

An Basahan ni Job 29:13

Gindayaw ako hin mga tawo nga makalolooy hin duro, ngan ginbuligan ko in mga balo nga kababayen-an basi hiagian nira in kahimyangan.

Zacarias 12:10

“Pupun-on ko an mga tulin ni David ngan an iba nga mga tawo han Jerusalem han espiritu han pagkalooy ngan han espiritu han pag-ampo. Tatan-awon nira adton ira ginbuno ngan magmamabidoon hira tungod ha iya sugad hadton mga nagmamasulob-on tungod hin uusa la nga anak. Magmamasulob-on gud hira sugad hadton mga nawad-an han ira suhag nga lalake.

Lucas 7:11

Waray pag-iha kinmadto hi Jesus hin bungto nga Nain an ngaran. Inmupod ha iya an iya mga tinun-an ngan hin dako nga hugpo hin mga tawo.

Lucas 7:13

Han pakakita ha iya han Ginoo, inalpan an Ginoo hin kalooy ha iya, ngan nagsiring an Ginoo ha iya, “Ayaw pagtangis.”

Lucas 8:42

kay tikamaratay na an amo la nga iya anak nga babaye nga 12 an edad. Han nagtitipakadto na hi Jesus, gindadaisog hiya paluyoluyo han mga tawo.

Lucas 8:52

Nagtitinangis ngan masulob-on an ngatanan didto tungod han bata. Nagsiring hi Jesus, “Ayaw kamo pagtangis; diri patay an bata, nakaturog la hiya!”

Juan 11:19

ngan damo nga mga Judiyo an kinmadto hin pagliaw kanda Marta ug Maria mahitungod han kamatay han ira bugto.

Mga Buhat 9:39

Sanglit nag-andam hi Pedro ngan inmupod ha ira. Han pag-abot niya, gindara hiya nira ngadto han kwarto ha igbaw. Gin-alirongan hi Pedro han ngatanan nga mga balo nga kababayen-an nga nagtitinangis, ngan iginpapakita ha iya an mga bado ngan mga kurugpos nga ginhimo ni Dorcas han buhi pa hiya.

Mga Buhat 9:41

Ginkaptan ni Pedro an kamot han babaye ngan binuligan hiya pagtukdaw. Kahuman, gintawag niya an mga magtinuohon ngan an mga balo nga kababayen-an, ngan igintubyan niya ha ira hi Dorcas nga buhi na.

Santiago 1:27

Para han Dyos nga Amay, an putli ngan matuod nga tuloohan amo ini: an panimangno han mga ilo ngan mga balo nga babaye dida han ira mga kakurian, ngan an pagbantay nga diri madum-itan an iya kalugaringon han mga kahilayan han kalibutan.