Lucas 6:2 - Samarenyo Meaning-Based Bible (1984)

² Nagsiring in pira nga mga Parisiyo, “Kay ano nga ginbubuhat niyo an igindidiri han aton Balaod hin pagbuhat ha Adlaw nga Iparahuway?”

Lucas 6:2 Iomraidhean Croise

Exodo 22:10

“Kon tumangdo in usa ka tawo hin paghupot hin asno, baka, karnero, o iba nga hayop hin lain nga tawo, ngan mamatay an hayop, o masamad, o madara dida hin usa nga panikas, ngan kon waray man testigo,

Exodo 31:15

May-ada niyo unom ka adlaw hin pagtuman han iyo buruhaton, kundi an ikapito nga adlaw baraan ini nga adlaw hin pagpahuway nga iginhalad ha akon. Papatayon gud an bisan hin-o nga magbuhat hin bisan ano hito nga adlaw.

Exodo 35:2

May-ada niyo unom ka adlaw nga pagtuman han iyo buruhaton, kundi baraan an ikapito ka adlaw, usa nga baraan nga adlaw hin pagpahuway nga iginhalad para ha akon, an Ginoo. Kinahanglan patayon an bisan hin-o nga magbuhat hin bisan ano nga buruhaton dida hito nga adlaw.

Isaias 58:13

Nagsiring an Ginoo, “Kon paglihi-an niyo an Adlaw nga Iparahuway, ngan diri niyo pagbuhaton an iyo la kalugaringon nga mga kaupayan dida hito nga adlaw; kon iyo pagmahalon an akon baraan nga adlaw ngan pagpasidunggan ini pinaagi hin diri paglakat, pagtrabaho, o paghimangraw hin waray la pulos dida hito nga adlaw,

Mateo 12:2

Han pakakita hini han mga Parisiyo, nagsiring hira kan Jesus, “Kitaa daw, supak ha aton Balaod an ginbubuhat han imo mga tinun-an ha Adlaw nga Iparahuway!”

Mateo 15:2

“Kay ano nga diri nagtutuman an imo mga tinun-an han pagturon-an nga igintutdo han aton mga kaapoy-apoyan? Diri anay hira nanhuhunaw han angay nga paagi nga diri pa hira nakaon!”

Marcos 2:24

Nagsiring an mga Parisiyo kan Jesus, “Diri tugot han aton Balaod nga mangutos an imo mga tinun-an ha Adlaw nga Iparahuway.”

Lucas 5:33

May mga tawo nga nagsiring kan Jesus, “Agsob magpuasa ngan mag-ampo an mga tinun-an ni Juan, ngan sugad man an mga tinun-an han mga Parisiyo; kundi sigi la hin kaon ngan inom an imo mga tinun-an.”

Juan 5:16

Tungod hini nagtikang hira pagdumot kan Jesus, kay ginbuhat niya ini nga pagtambal ha Adlaw nga Iparahuway.