Lucas 5:8 - Samarenyo Meaning-Based Bible (1984)

⁸ Pakakita ni Simon Pedro han nahinabo, linmuhod hiya ha atubangan ni Jesus ngan nagsiring, “Pahirayo ha akon, Ginoo! Makasasala ako nga tawo!”

Lucas 5:8 Iomraidhean Croise

2 Samuel 6:9

Niyan nahadlok han Ginoo hi David ngan nagsiring hiya, “Uunanhon ko yana pakadara han Kahon han Ginsaaran?”

1 Hadi 17:18

Nagsiring kan Elias an balo, “Tawo han Dyos, kay ano nga ginbuhat mo ini ha akon? Kinmanhi ka ba hin pagpahinumdom ha akon han akon mga sala, basi mamatay an akon anak?”

Exodo 20:19

Nagsiring hira kan Moises, “Mamamati kami kon ikaw an maghimangraw ha amon; kundi nahadlok kami nga, kon an Dyos an maghimangraw ha amon, magkakamatay kami.”

Isaias 6:5

Nagsiring ako, “Waray na ako paglaom. Kamakalolooy ko kay salaan an tagsa nga pulong nga nagawas han akon mga im-im ngan nag-uokoy ako tampo hin mga tawo nga salaan an tagsa nira nga pulong. Ngan bisan pa ngani, hini hinkit-an ko han akon kalugaringon nga mga mata an Hadi nga Ginoo nga Labi Kamakagarahum!”

Mateo 17:6

Nagkahadlok gud an mga tinun-an han pakabati nira han tingog, ngan hinmapa hira ha tuna.

Mateo 2:11

Sinmulod hira han balay ngan hinkit-an nira an bata upod hi Maria nga iroy niya. Linmuhod hira, ngan nagsingba ha iya. Binuksan nira an ira mga dara ngan naghalad hira ha iya hin bulawan, insyenso ug mira.

Mateo 8:8

Kundi binmaton an kapitan, “Sir, diri ako takos nga sumulod ka ha akon balay. Sugoa la ako ngan mauupay dayon an akon surugoon.

Lucas 5:7

Sanglit ginkampay nira an ira mga kaupod didto hin lain nga sakayan basi buligan hira. Hinmarani hira ngan gintugob hin isda an duha nga sakayan, nga haros malunod na hira.

Lucas 5:9

Nahipausa hi Simon ngan an iba nga mga kaupod niya han duro kadamo nga isda nga ira nadakop.

Juan 11:32

Inmabot hi Maria ha dapit diin nakadto hi Jesus. Pakakita niya kan Jesus, hinmapa hiya ha atubangan niya ngan nagsiring, “Ginoo, diri unta napatay an akon bugto kon nakanhi ka pa!”

1 Mga Taga-Corinto 13:12

Sugad la hin madaparap nga lambong ha salaming an aton nakikita yana. Ha orhe nga adlaw igkakaatubang na gud kita ha iya. Diri hingpit an nahibabaroan ko yana; unina mahihingpit na ito, sugad ka hingpit han kanan Dyos pagkilala ha akon.

Ginpadayag 1:17

Han pakakita ko ha iya, nahiraptay ako ha iya tiilan. Kinaptan ako han iya tuo nga kamot ngan nagsiring hiya, “Ayaw kahadlok! Amo ako an syahan ngan an kataposan.

Mga Maghurukom 13:22

Ginsiring ni Manoa an iya asawa, “Mamamatay gud kita kay kinita kita han Dyos!”

1 Samuel 6:20

Sanglit nagsiring an mga tawo han Betsemes, “Hin-o in makakatindog ha atubangan han Ginoo, hini nga baraan nga Dyos? Ngain ta hiya dadad-a basi mahibulag hiya ha aton?”