Lucas 5:12 - Samarenyo Meaning-Based Bible (1984)

¹² Ha usa ka higayon, nakadto hi Jesus ha usa nga bungto diin may tawo nga lukop hin sanla. Han pakakita niya kan Jesus, hinmapa hiya ngan nakimalooy ha iya, “Kon imo karuyag, makakalinis ka ha akon!”

Lucas 5:12 Iomraidhean Croise

Genesis 18:14

May-ada ba butang nga diri mahihimo han Ginoo? Sumala han akon iginsiring, siyam ka bulan tikang yana mabalik ako ngan mag-aanak hi Sara hin lalake.”

1 Hadi 18:39

Han pakakita la hini han mga tawo, nanhapa hira ha tuna ngan naggogliat, “An Ginoo amo an Dyos; an Ginoo gudla amo an Dyos!”

2 Hadi 5:1

Tinahod gud ngan pinalabi han hadi han Siria hi Naaman nga kapitan han kasondalohan nga Siriahanon, kay pinaagi ha iya ginpadaog han Ginoo an kasondalohan nga Siriahanon. Gamhanan hiya nga sondalo, kundi sanlahon hiya.

2 Hadi 5:27

Sanglit mahingangada ha imo an sanla ni Naaman, ngan tatap-onan han sanla ha kadayonan ikaw ngan an imo mga tulin!” Han paglakat ni Gihasi, sanlahon na hiya—sugad hin gapas kabusag an iya panit.

2 Hadi 7:3

Nakadto ha gawas han mga ganghaan han syudad in upat nga mga sanlahon, ngan naggipasiringsiring hira, “Kay ano nga nag-iinukoy kita dinhe ngada han kamatay?

1 Cronicas 21:16

Kinmita hi David han anghel nga natukdaw didto han dampog, nakakadara hin espada ngan andam na hin pagbungkag han Jerusalem. Niyan hi David ug an mga pangulo han mga tawo—ngatanan nakakasul-ot hin sako—hinmapa ha tuna.

Mga Salmo 50:15

Tawaga ako niyo kon naabot an kakurian; tatalwason ko kamo, ngan pagdadayawon ako niyo.”

Mga Salmo 91:15

Kon magtawag hira akon pamamatian, uupdan ko hira kon may-ada kakurian; tatabangan hira ngan pagpapasidunggan.

Exodo 4:6

Naghimangraw na liwat an Ginoo kan Moises, “Igsulod ngadto han imo panapton an imo kamot.” Sinmugot hiya ngan han paggawsan niya han iya kamot, may sakit na ini, luob na ini hin mabusag nga burikbutik nga sugad hin gapas.

Levitico 13:16

Kundi kon mag-upay an katol ngan magmabusag na liwat, mapakadto an padi han tawo

Levitico 9:24

Ha gilayon nagpadara an Ginoo hin kalayo nga nag-ugtang an halad nga tutuboron ngan an magtambok nga mga bahin dida han altar. Han pakakita hini han mga tawo, ginmoliat hira ngatanan ngan hinmapa hira ha tuna.

Mateo 26:6

Han nakadto hi Jesus ha Betania didto han balay ni Simon nga sanlahon,

Mateo 9:28

Han pagsulod na ni Jesus hin balay, dinmaop ha iya an duha nga buta, ngan nagpakiana hiya ha ira, “Natoo ba kamo nga mahihimo ko ini?” Binmaton hira, “Oo, Ginoo.”

Marcos 5:23

ngan duro an iya pakimalooy ha iya hin pagsiring, “Masakit hin duro an akon anak nga babayehay. Kadtoa gud ngan ipadapat an imo kamot ha iya basi maupay hiya ngan diri mamatay!”

Lucas 17:16

Hinmapa hiya ha tiilan ni Jesus hin pagpasalamat ha iya. Usa hiya nga Samaritano.

Lucas 5:13

Ginpadapat ni Jesus ngada ha iya an iya kamot, ngan sidngon, “Karuyag ko, magmalinis ka!” Ha gilayon nawara an iya sanla.

Deuteronomio 24:8

“Kon nag-aantos kamo hin makaharadlok nga sakit ha panit, kitaa gud nga talinguhaon niyo hin pagtuman han igintugon ha iyo han kapadian nga Levita; pagsunda niyo an mga tugon nga akon iginhatag ha ira.

Hebreo 7:25

Sanglit nakakahimo hiya, yana ngan ha gihapon, pagtalwas hadton nadangop han Dyos pinaagi ha iya, kay buhi hiya ha kadayonan hin pangamuyo sa Dyos tungod ha ira.

Josue 5:14

“Waray hito nga duha,” binmaton an tawo. “Aanhi ako sugad nga kapitan han mga kasondalohan han Ginoo.” Hinmapa hi Josue ha tuna hin pagsingba ha iya ngan sinmiring hiya, “Ako an imo surugoon. Ano an imo karuyag nga akon pagbuhaton?”