Lucas 5:1 - Samarenyo Meaning-Based Bible (1984)

¹ Usa ka adlaw natukdaw hi Jesus ha baybayon han Lanaw han Genesaret, samtang nagdadaisog an mga tawo ngadto ha iya, pamati han pulong han Dyos.

Lucas 5:1 Iomraidhean Croise

Numero 34:11

Niyan magtitipatimogan ini ngadto ha Ribla, ha sinirangan han Ain, ngan magpapadayon ngadto han kapungtoran didto ha sinirangan nga baybayon han Lanaw Galilea,

Mateo 11:12

Tikang han pagwali ni Juan ngada yana, nahiagom na an Ginhadian han langit hin makusog nga mga pagsulong, ngan an mag-isog nga mga tawo naniniguro nga maagaw ini nira.

Mateo 14:34

Tinmabok hira han lanaw ngan inmabot ha Genesaret,

Marcos 3:9

Damo kaupay an mga tawo, sanglit ginsugo niya an iya mga tinun-an nga mag-andam hin sakayan basi diri hiya mapiit han mga tawo.

Marcos 4:1

Nagtikang liwat hi Jesus hin pagtutdo didto ha tabi han Lanaw han Galilea. Damo kaupay an mga tawo nga nag-alirong ha iya; sanglit sinmakay hiya hin sakayan ngan linmingkod hiya. Nakadto ha dagat an sakayan ngan nagkakatukdaw an mga tawo didto ha tabi.

Marcos 5:24

Ngan inmupod hi Jesus ha iya. Damo liwat nga mga tawo an binmunyog kan Jesus ngan gindadaisog hiya han mga tawo.

Marcos 6:53

Tinmabok hira han lanaw ngan inmabot hira ha Genesaret diin iginhigot nira an ira sakayan.

Lucas 12:1

Han nagdadaisog an yinukotyukot nga mga tawo, sanglit nagtitinamakay na hira, nagsiring anay hi Jesus ha iya mga tinun-an, “Pagbantay kamo kontra han patubo han mga Parisiyo an karuyag ko sidngon, an pagkasalingkapaw.

Lucas 5:2

Hinkit-an niya in duha nga sakayan nga iginsangya ha baybayon. Nagkahaw-as an mga mangirisda, ngan nagbulyas han ira mga pukot.

Lucas 8:22

Usa ka adlaw sinmakay hi Jesus hin sakayan, upod han iya mga tinun-an ngan nagsiring ha ira, “Tabok kita ngadto ha luyo han lanaw.” Sanglit pinmalawod hira.

Lucas 8:23

Samtang nagsasakay hira, nahingaturog hi Jesus. Nagmadlos in hangin didto han lanaw, ginsakayan hin tubig an sakayan, ngan nahingada hira ngatanan hin dako nga kataragman.

Lucas 8:33

Sanglit ginmawas han tawo an mga yawa ngan sinmulod ngadto han kababoyan; binmungkalas hin pagdadlagan an bug-os nga panon ha ligid han umpas, nagpadayon ngadto han lanaw, ngan nagkalulumos hira.

Lucas 8:45

Nagpakiana hi Jesus, “Hin-o in nagkamkam ha akon?” Waray la makigbali an mga tawo, sanglit sinmiring hi Pedro, “Agaron, diri ka ba maaram nga ginlilibotan ngan gindadaisog ka han mga tawo?”

Juan 1:40

Usa han duha nga nakabati kan Juan ngan binmunyog kan Jesus, amo hi Andres nga bugto ni Simon Pedro.

Juan 6:1

Katapos hini, binmalik hi Jesus ngadto ha tabok han Lanaw han Galilea (o Lanaw han Tiberias).

Deuteronomio 3:17

Didto ha katundan naabot an ira katunaan ngadto han Salog Jordan, tikang ha Lanaw Galilea didto ha amihanan ngadto han Dagat Patay didto ha timogan ngan ngadto ha ubos han Bukid Pisga didto ha sinirangan.

Hebreo 13:7

Hinumdomi an iyo anay mga pangulo nga naghimangraw ha iyo han mensahe han Dyos. Panumdoma niyo kon gin-unan-o nira hin pagkabuhi ngan pagkamatay, ngan subda an ira pagtoo.

Josue 12:3

sakop hini an Kahamub-an Jordan tikang ha Lanaw Galilea, ha may timogan tipakadto ha Betsimot (sinirangan han Dagat nga Patay) ngan padayon ngadto ha ubos han Bukid Pisga.

Josue 13:27

Didto han Kahamub-an Jordan, nahilakip hini an Betaram, Betnimra, Sucot, ug Sapon, sugad man an iba nga bahin han ginhadian ni Sihon, an hadi han Hesebon. An pag-ultan ha katundan amo an Salog Jordan ngadto ha amihanan tubtob han Lanaw Galilea.