Lucas 4:8 - Samarenyo Meaning-Based Bible (1984)

⁸ Binmaton hi Jesus, “Nasiring an kasuratan, ‘Singbahon mo an Ginoo nga imo Dyos ngan hiya gudla an imo pagsirbehan.’”

Lucas 4:8 Iomraidhean Croise

2 Hadi 19:15

ngan nag-ampo, “O Ginoo nga Dyos han Israel, nga nalingkod ka didto han imo harangdon nga trono, ikaw la an Dyos nga naghahadi han ngatanan nga mga ginhadian ha kalibutan. Ginhimo mo an langit ngan an tuna.

Mga Salmo 83:18

Kumilala unta hira nga ikaw la an Ginoo, waray na gud iba; an Dyos an Gilalabawi nga punoan, nga hadi han ngatanan nga kalibutan.

Isaias 2:11

Maabot in adlaw nga matatapos an kamapinahitas-on han tawo, ngan mabubungkag an kaparayawnon han tawo. Niyan an Ginoo na gud la an pagdadayawon.

Mateo 16:23

Linmingi hi Jesus ngan sidngon hi Pedro, “Iwas dida, Satanas! Nakakaulang ka ha akon, kay an imo hunahuna, hunahuna la hin tawo, diri kanan Dyos!”

Mateo 4:10

Binmaton hi Jesus, “Iwas dida, Satanas! Kay nasiring an kasuratan, ‘Singbahon mo an Ginoo nga imo Dyos, ngan hiya la an pag-alagdon nimo!’”

Lucas 4:4

Binmaton hi Jesus, “Nasiring an kasuratan, ‘Diri mabubuhi an tawo ha tinapay la.’”

Lucas 4:7

Sanglit, ihahatag ko ini ngatanan ha imo kon magsingba ka ha akon.”

Deuteronomio 10:20

Tahora niyo an Ginoo nga iyo Dyos ngan hiya gud la an iyo pagsingbaha. Pagmatinumanon kamo ha iya ngan ha ngaran han Ginoo pagsumpa kamo.

Deuteronomio 6:13

Tahora niyo an Ginoo nga iyo Dyos, hiya la an pagsingbaha, ngan an iya la ngaran in gamita hin pagsumpa.

Santiago 4:7

Sanglit, pagsugot kamo han Dyos. Atohi niyo an Yawa ngan mapahirayo hiya ha iyo.

1 Pedro 5:9

Rig-ona an iyo pagtoo ngan atohi hiya, kay sayod kamo nga nag-aagi liwat hin amo ngahaw nga mga pag-antos an iyo igkasi mga magtinuohon ha bug-os nga kalibutan.

Ginpadayag 19:10

Hinmapa ako ha iya tiilan hin pagsingba ha iya, kundi nagsiring hiya ha akon, “Ayaw pagbuhata ito! Usa la ako nga imo igkasi surugoon ngan han imo kabugtoan, adton natoo han kamatuoran nga iginpadayag ni Jesus. Pagsingba kamo han Dyos!” Kay an kamatuoran nga ginpadayag ni Jesus amo an nag-aghat han mga manaragna.

Ginpadayag 22:9

lugaring ginsiring ako niya, “Ayaw pagbuhata ito! Usa la ako nga igkasi surugoon nimo ngan han imo mga kabugtoan, an mga manaragna, ngan an ngatanan nga nagsusugot han mga pulong dida hini nga basahan. Pagsingba han Dyos!”

1 Samuel 7:3

Ginsiring ni Samuel an mga tawo han Israel, “Kon kinasingkasing an iyo pagdangop han Ginoo, kinahanglan igsalikway niyo an ngatanan nga langyaw nga kadiyosan ngan an mga ladawan han diyosa Astarte. Itubyan hin hingpit an iyo kalugaringon ngadto han Ginoo ngan hiya gudla an iyo pagsingbaha, ngan tatalwason kamo niya ha gahom han mga Filisteohanon.”