Lucas 4:6 - Samarenyo Meaning-Based Bible (1984)

⁶ Ginsiring hiya han Yawa, “Ihahatag ko ha imo ini ngatanan nga gahom ngan ini ngatanan nga bahandi, kay igintubyan ha akon ini ngatanan, ngan makakahatag ako hini ngatanan bisan kan kanay nga karuyagon ko.

Lucas 4:6 Iomraidhean Croise

Ester 5:11

Pinmarayaw hiya ha ira han iya pagkamanggaranon, han kadamo han iya mga anak, han pagpauswaga ha iya han hadi ngadto hin hitaas nga katungdanan, ngan han pagka-importante gud niya labaw pa han bisan hin-o nga mga opisyal han hadi.

Isaias 23:9

Ginlarang ini han Ginoo nga Labi Kamakagarahum. Ginlarang ini niya basi matapos na an ira pagparayaw han ira nabuhat, ngan pagtamayon an ira dungganan nga mga tawo.

Isaias 5:14

Ginugutom ha ira an kalibutan han mga patay ngan daan na nanganga an iya baba hin paglam-oy hini nga mga harangdon han Jerusalem upod an maaringasa nga hugpo han iba nga mga tawo.

Lucas 4:7

Sanglit, ihahatag ko ini ngatanan ha imo kon magsingba ka ha akon.”

Juan 12:31

Ginhuhukman na yana an kalibutan; pupukanon na yana an punoan hini nga kalibutan.

Juan 14:30

Diri na ako maghihimangraw ha iyo hin maiha, kay maabot na an punoan hini nga kalibutan. Waray hiya gahom ha akon,

Juan 8:44

Mga anak kamo han amay niyo, an Yawa, ngan naruruyag kamo pagsunod han ungara han amay niyo. Parapamatay hiya tikang pa ha tinikangan. Waray hiya dumapig han kamatuoran, kay waray man kamatuoran dida ha iya. Kon nagbubuwa hiya, nagbuhat la hiya sugad han iya kinaiya, kay buwaon man hiya, ngan amo hiya an amay han ngatanan nga buwa.

2 Mga Taga-Corinto 11:14

Diri ini orosahon! Kay bisan ngani hi Satanas nakakahimo hin pagpakita ha iya ngahaw sugad hin anghel han kapawa!

Mga Taga-Efeso 2:2

Ginsunod niyo hadto an maraot nga paagi han kalibutan; nagsugot kamo han punoan han espirituhanon nga mga gahom ha kahiluagan ha kahitas-an, an espiritu nga naghahadi han mga tawo nga nalaris han Dyos.

1 Pedro 1:24

Sumala han siring han kasuratan, “Sugad hin banwa an ngatanan nga mga tawo, ngan sugad la han bukad ha kapatagan an ira katahom. Nalalaya an banwa, ngan narapdag an iya bukad,

1 Juan 5:19

Maaram kita nga kanan Dyos na kita bisan kon ginahahadian han Yawa an bug-os nga kalibutan.

Ginpadayag 12:9

Iginlabog ha gawas an duro kadako nga dragon! Amo hiya adton kadaan nga dako nga halas nga ginngaranan nga Yawa, o Satanas, nga amo an naglimbong han bug-os nga kalibutan. Iginhulog hiya ngadto ha tuna upod an ngatanan nga iya sakop nga mga anghel.

Ginpadayag 13:2

Pariho hin lyupardo an mapintas nga mananap, may mga tiil nga sugad hin kanan uso, ngan baba nga sugad hin kanan liyon. Gintagan han dragon ini nga mapintas nga mananap han iya kalugaringon nga gahom, han iya trono, ngan han iya dako nga pagburut-an.

Ginpadayag 13:7

Gintugotan liwat ini hin pakig-away han mga magtinuohon ngan hin pagpirde ha ira, ngan gintagan ini hin pagburut-an han tagsa nga tribo, nasod, pinulongan ngan mga katawhan.