Lucas 4:2 - Samarenyo Meaning-Based Bible (1984)

² diin ginsulay hiya han Yawa sulod hin kwarenta ka adlaw. Waray hiya kumaon sakob hini nga mga adlaw, sanglit ginutom hiya.

Lucas 4:2 Iomraidhean Croise

Genesis 3:15

Hihimoon ko nga magkaaway kamo—hi ikaw ngan han babaye; dayuday magkaaway an iya ngan an imo mga tulin. An iya mga tulin amo an madugmok han imo ulo, ngan pagtutukbon man nimo an iya tikod.”

1 Hadi 19:8

Binmuhat hi Elias, kinmaon ngan inminom, ngan linmaksi ngan nagmakusog hiya ngan nakailob hiya hin pagbaktas hin 40 ka adlaw ngadto ha Sinai, an baraan nga bukid.

Ester 4:16

“Kadto na ngan tiroka an ngatanan nga mga Judiyo didto ha Susa; pagpuasa ngan pag-ampo kamo para ha akon. Ayaw kamo pagkaon o pag-inom hin bisan ano sulod hin tulo ka adlaw ngan tulo ka gab-i. Amo gihapon an bubuhaton nakon ngan han akon mga surugoon nga kababayen-an. Kahuman makadto ako han hadi bisan kon supak ini han balaod. Waray sapayan kon mamatay ako tungod hin pagbuhat hini.”

Exodo 24:18

Nagtipaunhan hi Moises hin pagsagka han bukid ngadto han dampog. Didto nagpabilin hiya sulod hin 40 ka adlaw ug gab-i.

Exodo 34:28

Nagpabilin didto hi Moises sulod hin kwarenta ka adlaw ug gab-i upod han Ginoo, ngan waray hiya kumaon o uminom hin bisan ano. Iginsurat niya dida han mga papan nga bato an mga pulong han ginsaaran—an Napulo nga mga Sugo.

Jonas 3:7

Nagpagawas hiya hin usa nga pasangyaw ngadto han mga tawo ha Ninibe: “Usa ini nga sugo tikang han hadi ngan han iya mga opisyal: Waray bisan usa nga kumaon hin bisan ano; gindidid-an hin pagkaon o pag-inom an ngatanan nga mga tawo, kabakahan, ngan kakarnerohan.

Mateo 21:18

Han pagkaaga na, han pagbalik ni Jesus ngadto ha syudad, ginutom hiya.

Mateo 4:2

Katapos hin 40 ka adlaw ngan 40 ka gab-i nga pagpuasa, ginutom hi Jesus.

Lucas 4:3

Nagsiring ha iya an Yawa, “Kon Anak ka manggud han Dyos, igbuot nga ini nga bato mahimo nga tinapay.”

Juan 4:6

Nakadto an atabay ni Jacob. Tungod han kakapoy han pagbaktas, linmingkod hi Jesus ha ligid han atabay, kay tikaurudto na.

Deuteronomio 9:18

Niyan hinmapa na liwat ako ha atubangan han Ginoo sulod hin 40 ka adlaw ug gab-i, ngan waray ako kumaon o uminom hin bisan ano. Ginbuhat ko ini kay nakasala kamo han Ginoo ngan iyo gin-aghat hiya hin kasina.

Deuteronomio 9:25

“Sanglit hinmapa ako ha atubangan han Ginoo sulod hin 40 ka adlaw ug gab-i, kay hinbaroan ko nga karuyag na gud hiya hin pagpuo ha iyo.

Deuteronomio 9:9

Sinmagka ako han bukid hin pagkarawat han mga papan nga bato nga ginsuratan han ginsaaran nga ginhimo ha iyo han Ginoo. Nagpabilin ako didto sulod hin 40 ka adlaw ug gab-i ngan waray gud ako kumaon o uminom hin bisan ano.

Hebreo 2:18

Ngan yana makakabulig na hiya hadton mga ginsusulay, kay ginsulay ngan nag-antos man hiya ngahaw.

Hebreo 4:15

Napaid han aton kamaluya ini nga aton gilalabawi nga padi, kay ginsulay liwat hiya ha ngatanan nga paagi, sugad ha aton, kundi waray hiya makasala.

1 Samuel 17:16

Waray hunong hin pangayat hi Goliat han mga Israelita kada aga ngan gab-i sulod hin kwarenta ka adlaw.