Lucas 4:18 - Samarenyo Meaning-Based Bible (1984)

¹⁸ “Aadi ha akon an Espiritu han Ginoo, kay ginpili ako niya hin pagwali han Maupay nga Sumat ha mga kablas. Ginsugo ako niya pagpasangyaw han katalwasan ngadto ha mga binihag, ngan hin pagpabalik han pakakita han mga buta; hin pagtalwas han mga tinalumpigos,

Lucas 4:18 Iomraidhean Croise

Isaias 61:1

Aadi ha akon an espiritu han Ginoo nga Dyos. Ginpili ngan ginsugo ako niya Hin pagdara hin maupay nga sumat ngadto han mga kablas. Hin pagtambal han mga masulob-on, Hin pagpahibaro hin katalwasan ngadto han mga bihag, Ngan hin kagawasan ngadto hadton mga priso.

Mateo 11:5

nakakakita na an mga buta, nakakalakat na an mga lulid, malinis na an mga sanlahon, nakakabati na an mga bungol, nabanhaw na an mga minatay, ngan iginpasangyaw na an Maupay nga Sumat ngadto han mga kablas.

Mga Buhat 10:38

Maaram kamo mahitungod kan Jesus nga taga-Nazaret, nga iginbubo ha iya han Dyos an Espiritu Santo ngan an Gahom. Kinmadto hiya ha ngatanan nga dapit hin pagpakaupay ngan hin pagtambal han ngatanan nga ginagarongan han Yawa, kay an Dyos nakada ha iya.

Lucas 7:22

Ginbaton ni Jesus an mga sinugo ni Juan, “Balik ngan pagsumati niyo hi Juan han hinkit-an ngan hinbatian niyo: nakakakita na an mga buta, nakakalakat na an mga piay, ginlinisan na an mga sanlahon, nakakabati na an mga bungol, ginbanhaw na an mga minatay, ngan iginwali na an Maupay nga Sumat ha mga kablas.

Mga Buhat 26:18

basi kabuksan mo an ira mga mata ngan pabalikon mo hira tikang ha kasisidman ngadto han kapawa, ngan tikang ha gahom ni Satanas ngadto han Dyos, ngan pinaagi han ira pagtoo ha akon pasayloon hira han ira mga sala ngan kumarawat hira han ira dapit dida han mga pinili nga mga tawo han Dyos!’

Isaias 42:7

Bubuksan mo an mga mata han mga buta, ngan pagagawson mo adton aadto ha magsirom nga mga prisohan.

Juan 12:46

Kinmanhi ako usa nga kapawa han kalibutan, basi diri na magpabilin ha kasisidman an ngatanan nga natoo ha akon.

1 Pedro 2:9

Kundi kamo amo an pinili nga tulin, an kapadian han Hadi, an baraan nga nasod, an kalugaringon nga bungto han Dyos, nga ginpili hin pagsangyaw han orosahon nga mga buhat han Dyos nga nagtawag ha iyo tikang han kasisidman ngadto han iya kalugaringon nga makaaramdok nga kapawa.

Mga Taga-Colosas 1:13

Gintalwas kita niya tikang han gahom han kasisidman, ngan ginbalhin kita ngadto han ginhadian han iya hinigugma nga Anak,

Mateo 4:16

An mga tawo nga nag-uukoy ha kasisidman makita hin dako nga kapawa. Ha ira nga nag-uokoy ha masirom nga tuna han kamatayon malamrag an kapawa!”

Isaias 32:3

Bubuksan an ira mga mata ngan mga talinga para han mga kinahanglanon han mga tawo.

Mga Salmo 147:3

Iya gintatambal mga nabibido, ira mga samad ginbubutok ito.

Isaias 35:5

Makakakita an mga buta, ngan makakabati an mga bungol.

Mateo 5:3

“Palaran adton nakilala nga kablas hira ha espiritu, kay ira an Ginhadian han langit!

Lucas 6:20

Sinmiplat hi Jesus han iya mga tinun-an ngan nagsiring, “Palaran kamo nga mga kablas, kay iyo an Ginhadian han Dyos!

Malaquias 4:2

Kundi para ha iyo nga nagsusugot ha akon, masirang ngada ha iyo sugad han adlaw an akon matalwason nga gahom ngan magtatambal sugad han mga sirak han adlaw. Talwas ngan malipayon kamo sugad hin mga nati nga baka nga ginpagawas han toril.

Santiago 2:5

Pamatii niyo, hinigugma ko nga kabugtoan! Ginpili han Dyos an kablas nga mga tawo hini nga kalibutan, basi mariko hira hin pagtoo ngan makaangkon han Ginhadian nga iginsaad niya hadton mga nahigugma ha iya.

Juan 3:34

Naghihimangraw han mga pulong han Dyos an ginsugo han Dyos, kay ihinahatag ha iya han Dyos an kahingpitan han iya Espiritu.

Isaias 59:21

Ngan maghihimo ako hin ginsaaran ha iyo: Iginhatag ko ha iyo an akon gahom ngan an akon mga pagturon-an nga basi maiyo ha kadayonan, ngan tikang yana magsusugot kamo ha akon ngan magtututdo kamo han iyo mga anak ngan han iyo mga tulin hin pagsugot ha akon ha ngatanan nga panahon nga tiarabot.”

Isaias 50:4

Gintutdoan ako han Ginoo nga Dyos kon ano an akon igsisiring, basi makahatag ako hin kusog hadton mga ginugul-an. Kada aga gin-aaghat ako niya hin pamati han iya igtututdo ha akon.

Mga Salmo 102:20

Tungod nga karuyag niya hibatian, mga araba didto ha bilanggoan; pagtalwas gud hadton mga sinirotan, han kamatayon nga ira dadangatan.

Daniel 9:24

“Pito ka tag 70 ka tuig an kaiha han panahon nga igintalaan han Dyos hin pagtalwas han iyo katawhan ngan han iyo baraan nga syudad tikang han sala ug karat-an. Pasasayloon an sala ngan pagtitindogon an waray kataposan nga katadongan, basi matuman an panan-awon ngan an panagna, ngan ighahalad na liwat an baraan nga Templo.

Isaias 57:15

“Ako amo an gilalabawi ngan baraan nga Dyos, nga buhi ha kadayonan. Nag-uokoy ako didto hin hitaas ngan baraan nga dapit, kundi nag-uokoy liwat ako upod hin mga tawo nga mapinaubsanon ngan mabinasolon, basi makapahiuli ako han ira pagtapod ug paglaom.

Isaias 49:9

Masiring ako ngadto han mga priso, ‘Pagkagawas na kamo!’ ngan ngadto hadton mga aada ha kasisidman, ‘Pagkagawas na kamo ngadto ha kapaw-an!’ Masusugad hira hin mga karnero nga nananabsab dida han kapungtoran;

Isaias 45:13

Ako ngahaw an nag-aghat kan Ciro, nga pagtumanon niya an akon tuyo hin pagpahamtang han katadongan. Pagtatadongon an tagsa nga dalan nga iya paglalaktan. Pagtitindogon niya hin utro an Jerusalem nga akon syudad, ngan bubuhian niya an nabihag nga akon mga tawo. Waray nagsuhol o naghukip ha iya hin pagbuhat hini.” An Ginoo nga Labi Kamakagarahum an nagyakan.

Mga Salmo 34:18

Hiraniay gad la an aton Ginoo hadton mga nahuhulop na hin duro. Tinatalwas niya adton nagugupong, an nawad-an na han tanan nga paglaom.

Mga Salmo 2:6

Iya siring, “Ha Sion, bukid nga baraan, an akon hadi akon igbubutang.”

Sofonias 3:12

Bibilinan ko didto hin mapinaubsanon ngan makalolooy nga mga tawo nga madangop ha akon hin pakibulig.

Mga Salmo 2:2

Nasupak, nasupil an ira kahadian, nagkaarabuyon pa an ira mga punoan; han Ginoo nga Dyos hin pagkontra, pati an Hadi nga ginpili nira.

Juan 1:41

Hin-agian dayon ni Andres hi Simon nga iya bugto ngan ginsumatan niya, “Hin-agian namon an Mesiyas.” (“Cristo” an kahulogan hini nga pulong.)

Mateo 12:20

Diri hiya magbabari hin malubay nga tangbo, o maghuhuyop hin tikapaparong nga lampara. Magpapadayon hiya tubtob nga makapadaog hiya han katadongan;

Mga Salmo 51:17

An akon halad amo in usa nga mapinaubsanon nga espiritu, O Dyos; diri mo pagtatamayon in mapinaubsanon nga nagbabasol nga kasingkasing.

Zacarias 11:11

Sanglit dida hito nga mga adlaw ginpara an ginsaaran. Nag-ininaw ha akon adton mga nagpalit ngan nagbaligya han mga karnero, ngan nakasabot hira nga naghimangraw an Ginoo pinaagi han akon ginbuhat.

Ezequiel 9:4

“Sudoya an bug-os nga syudad han Jerusalem ngan tigamni ha agtang an tagsa-tagsa nga naguguol ngan nasasamok tungod han ngatanan nga makangaralas nga mga butang nga binubuhat dinhe han syudad.”

Isaias 66:2

Ako an nagtuha han bug-os nga kalibutan! Nalilipay ako hadton mga nagpapaubos ngan nagbabasol, hadton nahahadlok ngan nagsusugot ha akon.

Genesis 3:15

Hihimoon ko nga magkaaway kamo—hi ikaw ngan han babaye; dayuday magkaaway an iya ngan an imo mga tulin. An iya mga tulin amo an madugmok han imo ulo, ngan pagtutukbon man nimo an iya tikod.”

Mga Buhat 4:27

Kay ha tinuod nagkatirok dinhe hini nga syudad hira Herodes ug Poncio Pilato kaupod han mga Hentil ngan han mga tawo han Israel kontra kan Jesus, an imo baraan nga Surugoon nga imo ginhimo nga Mesiyas.

Mga Salmo 45:7

Mahal mo'n matadong, maraot kontra mo. Sanglit tungod hito an Dyos nga Dyos nimo, ha imo nagpili, nagdihog ha imo. Igin-ipis ha im' kalipay nga damo, labaw hadton iba nga bisan pa hin-o.

2 Cronicas 34:27

ngan nagbasol nga nagpaubos ka ha akon atubangan, pinaagi han paggisi han imo panapton ngan pagtangis han imo pakabati han akon pagtarhoga hin pagkastigo han Jerusalem ngan han iya mga tawo. Hinbatian ko an imo pag-ampo.

Mateo 12:18

“Iini an akon surugoon nga akon ginpili, an akon hinigugma nga akon nalilipayan. Ibubutang ko ha iya an akon Espiritu, ngan ipapasangyaw niya an akon paghukom ngadto han ngatanan nga mga nasod.

Lucas 4:17

ngan iginhatag ha iya an basahan ni manaragna Isaias. Ginbuklad niya an linikid nga basahan ngan amo ini an iya nabasa:

Mga Buhat 4:26

Nag-andam an kahadian han tuna, ngan nagkatirok an mga punoan kontra han Ginoo ngan han iya Mesiyas.’