Lucas 3:9 - Samarenyo Meaning-Based Bible (1984)

⁹ Andam na an parakol hin pagpulod han mga kahoy upod an mga gamot; pupudlon an tagsa nga kahoy nga diri nahatag hin maupay nga bunga ngan ilalabog ha kalayo.”

Lucas 3:9 Iomraidhean Croise

Ezequiel 31:18

“An kahoy amo an hadi han Ehipto ngan an ngatanan niya nga mga tawo. Diri ngani masugad ha iya hin kahigtaas ngan kamagtahom an kakahoyan ha Eden. Kundi yana, sugad han kakahoyan han Eden, malusad ini ngadto han kalibutan han mga patay ngan matampo han diri mga dyosnon ngan hadton mga pinanmatay didto ha pag-awayan. Ako an nagyakan,” nasiring an Ginoo nga Dyos.

Daniel 4:14

Ginsangyaw niya ha dako nga tingog, ‘Pudla an kahoy ngan panaptapa an mga sanga hini; panguhaa an mga dahon ngan pasadnga an mga bunga hini. Taboga an kamanampan nga nasirong hini ngan an katamsihan dida han mga sanga hini.

Daniel 4:23

Samtang nagkikinita ka, Harangdon nga Hadi, linmusad in usa nga anghel tikang ha langit ngan nagsiring, ‘Pudla an kahoy ngan puoha ini, kundi ibilin an tuod hini dida han tuna. Higti ini hin kadena nga puthaw ug bronse ngan pabay-i ini dida han banwaon nga tuna. Patun-ogi ini nga tawo ngan paukya hiya didto tampo han kamanampan sulod hin pito ka tuig.’

Mateo 3:10

Andam na an parakol hin pagpulod han kahoy ha iya mga gamot; pupudlon ngan susunogon an tagsa nga kahoy nga diri nahatag hin maupay nga bunga.

Mateo 7:19

Pupudlon ngan susunogon an kahoy nga diri nahatag hin maupay nga bunga.

Lucas 13:6

Ngan nagsumat ha ira hi Jesus hini nga pananglitan: “May hadto usa ka tawo nga may kahoy nga igos nga naturok ha iya uma. Nakadto hiya hin pamiling han bunga, kundi waray makaagi.

Lucas 13:7

Sanglit ginsiring niya an iya magbarantay han tanaman, ‘Kitaa daw, tulo na ka tuig an akon pagbinalikbalik nganhi pangita hin bunga hini nga igos, kundi waray ko hin-aagian. Gabay pudlon ini nga kahoy, kay kanugon la han katambok han tuna?’

Lucas 13:9

Manggad nala bumunga han sunod nga tuig; kay kon diri pa, amo na in pagpudla naton.’”

Juan 15:6

Ilinalabog ha gawas an bisan hin-o nga diri nagpapabilin ha akon, ngan nauuga sugad hin sanga; gintitirok in sugad nga mga sanga, ngan ilinalabog ha kalayo, ngan sunogon.

Hebreo 10:28

Ginpapatay hin waray kalooy an nagtatalapas han Balaod ni Moises, kon paghukman hin duha o tulo nga mga testigo nga salaan.

Hebreo 12:29

kay kalayo gud nga nakakaugtang an aton Dyos.