Lucas 3:16 - Samarenyo Meaning-Based Bible (1984)

¹⁶ Sanglit, nagsiring hi Juan ha ira ngatanan, “Nagbubunyag ako ha iyo hin tubig, kundi maabot in labaw pa ha akon. Diri ngani ako takos hin paghubad han higot han iya sandalyas. Pagbubunyagan kamo niya han Espiritu Santo ngan hin kalayo.

Lucas 3:16 Iomraidhean Croise

Mga Darahonon 1:23

Pamati kon sawayon ko kamo; sasagdonan ko kamo hin maupay ngan babahinan ko kamo han akon hibaro.

Isaias 32:15

Kundi hin makausa pa ipapadara ha aton han Dyos an iya espiritu. Magmamabinungaon na an mga kamingawan ngan damo na nga mga abot an makukuha ha mga kaumhan.

Isaias 4:4

Pinaagi han iya gahom huhukman ngan pupurogon han Ginoo an nasod ngan huhugason an sala han Jerusalem ngan an dugo nga gin-ula didto.

Ezequiel 36:25

Wawarikwikan ko kamo hin limpyo nga tubig ngan lilinisan ko kamo tikang han ngatanan niyo nga mga diyosdiyos ngan han iba pa nga nakahugaw ha iyo.

Zacarias 13:9

Ngan sasarihan ko an ikatulo ka bahin nga mahisasalin nga buhi ngan lilinisan ko hira sugad nga ginpupurog hin kalayo an salapi. Sasarihan ko hira sugad han pagpurog hin bulawan. Niyan mag-aampo hira ha akon ngan babatonon ko hira. Pagsusumatan ko hira nga akon hira mga tawo ngan magtutug-an hira nga ako amo an ira Dyos.”

Mateo 3:11

Nagbubunyag ako ha iyo hin tubig, tigaman han iyo pagbasol; kundi magbubunyag ha iyo han Espiritu Santo ngan hin kalayo hiya nga masunod ha akon. Labaw gud hiya ha akon; diri ngani ako takos magbitbit han iya mga sandalyas.

Mateo 3:12

Dara niya an iya nigo hin pagpalid basi an uhot mahilain han tipasi. Pagtitirokon niya an trigo didto ha iya kamalig, kundi an uhot pagsusunogon ha kalayo nga diri napaparong.”

Juan 1:26

Binmaton hi Juan, “Nagbubunyag ako hin tubig, kundi may usa dida ha iyo nga diri niyo kinikilala.

Juan 1:27

Masunod hiya ha akon, kundi diri ngani ako takos bisan hin paghukas han iya sandalyas.”

Juan 1:33

Diri pa ako hadto nakilala ha iya, kundi an Dyos nga nagsugo ha akon hin pagbunyag hin tubig nagsiring, ‘Hikikit-an mo an Espiritu nga makunsad ngan mahugdon ha usa ka tawo; amo hiya an nagbubunyag han Espiritu Santo.’

Juan 7:38

Sumala han siring han kasuratan, ‘Tikang ha kasingkasing hadton natoo ha akon maawas in tubig nga nahatag hin kinabuhi.’”

Mga Buhat 1:5

Nagbunyag hi Juan hin tubig, kundi pira na la ka adlaw pagbubunyagan kamo han Espiritu Santo.”

Mga Buhat 10:44

Samtang nagyayakan pa hi Pedro, kinmunsad an Espiritu Santo ngada han ngatanan nga namamati han iya mensahe.

Mga Buhat 2:33

Igin-undong hiya ngadto ha tuo han Dyos ngan kinmarawat han Espiritu Santo tikang ha iya sumala han iginsaad niya; ngan ini nga iyo hinkikit-an ngan hinbabatian yana, amo ini an iya hatag nga ginbubo niya ha amon.

1 Mga Taga-Corinto 12:13

Ha amo man nga paagi, ginbunyagan kita ngatanan, mga Judiyo ngan mga Hentil, mga oripon ngan mga talwas, ngadto han usa la nga lawas pinaagi han amo ngahaw nga Espiritu, ngan ginpainom kita ngatanan han usa nga Espiritu.