Lucas 21:7 - Samarenyo Meaning-Based Bible (1984)

⁷ Nagpakiana hira, “Magturutdo, san-o man ini mahinanabo? Ngan ano man an mga tigaman nga magpapasabot ha amon nga maabot na an panahon nga ini ngatanan matutuman?”

Lucas 21:7 Iomraidhean Croise

Daniel 12:6

Nagpakiana an usa ha ira ngadto han anghel nga natukdaw didto ha iraya nga dapit, “Tubtob san-o katatapos ini nga urosahon nga mga hinabo?”

Daniel 12:8

Hinbatian ko an iya iginsiring, kundi waray ako masayod hini. Sanglit pinmakiana ako, “Kundi, uunanhon an pagkatapos hini ngatanan?”

Mateo 24:3

Han nalingkod hi Jesus didto han Bukid han mga Olibo hinmilit hin paghirani ha iya an iya mga tinun-an. Naghangyo hira, “Pagsumati gad kami kon san-o mahinanabo ini ngatanan, ngan kon ano an tigaman han imo pagbalik ngan han katapos han kalibutan.”

Marcos 13:14

“Makikita niyo nga natindog an “Makaharadlok nga Taran-awon” ha dapit nga diri angay ha iya. (Ngadto han magbabasa: sabta an karuyag sidngon hini!) Kon mahinabo na ini, kinahanglan kumalagiw dayon ngadto ha kabukiran an aada ha Judea.

Lucas 21:32

“Tigamni ini! Mahinanabo ini ngatanan nga mga butang nga diri pa mapatay an ngatanan nga mga tawo nga buhi yana.

Lucas 21:6

“Mahitungod hini ngatanan nga mga butang nga iyo nakikita, maabot in panahon nga waray ngani bisan usa nga bato dinhe nga mahibibilin dida han iya hinmumutangan; titimpagon ini ngatanan.”

Lucas 21:8

Nagsiring hi Jesus, “Pagbantay, ngan ayaw kamo palimbong. Kay damo in maabot ngan masiring ha akon ngaran, ‘Ako amo hi Cristo!’ ngan ‘Inmabot na an panahon!’ Kundi ayaw kamo pagsunod ha ira.