Lucas 21:6 - Samarenyo Meaning-Based Bible (1984)

⁶ “Mahitungod hini ngatanan nga mga butang nga iyo nakikita, maabot in panahon nga waray ngani bisan usa nga bato dinhe nga mahibibilin dida han iya hinmumutangan; titimpagon ini ngatanan.”

Lucas 21:6 Iomraidhean Croise

Jeremias 26:18

“Han hadi pa han Juda hi Ezequias, nagsumat han ngatanan nga mga tawo hi manaragna Miqueas han Moreset nga nagsiring an Ginoo nga Labi Kamakagarahum, ‘Pag-aaradohon an Sion sugad hin usa nga uma; mahihimo an Jerusalem nga usa nga tinambak hin mga rinuba, ngan mahihimo nga usa nga kagurangan an pungtod han Templo!’

Jeremias 26:6

Kon magpadayon kamo hin pagsupak, pagbubuhaton ko ngada hini nga Templo an ginbuhat ko didto ha Silo, ngan gagamiton han ngatanan nga mga nasod han kalibutan an ngaran hini nga syudad nga usa nga panhimaraot.”

Jeremias 26:9

Kay ano nga nagsiring ka ha ngaran han Ginoo nga masusugad han Silo ini nga Templo, ngan nga mabubungkag ini nga syudad ngan waray na tawo nga mag-uokoy dida hini nga syudad?” Niyan gin-alirongan ako han mga tawo.

Pagnguyngoy 4:1

Nakuhaan na hin kainggat an aton bulawan; nagsasarang an mga bato han Templo dida han kakalsadahan.

Pagnguyngoy 5:18

kay kamingawan na ngan nag-uusaan an Bukid Sion, ngan ihalas nga mga lubo an naglalakatlakat didto.

Miqueas 3:12

Sanglit, tungod ha iyo, pag-aaradohon sugad hin uma an Sion, mahihimo nga tambak hin mga rinuba an Jerusalem, ngan mahihimo nga kagurangan an pungtod han Templo.

Zacarias 11:1

Buksi an imo mga porta, Libano, basi maugtang hin kalayo an imo kakahoyan nga sidro!

Zacarias 14:2

Pagtitirokon han Ginoo an ngatanan nga mga nasod hin pakiaway han Jerusalem. Makukuha an syudad, paninikasan an kabablayan, ngan panlulugoson an kababayen-an. Bibihagon an katunga han mga tawo, kundi diri kukuhaon tikang han syudad an iba ha ira.

Mateo 24:2

Nagsiring hiya, “Maupay nga hinkit-an niyo ini ngatanan, kay nasiring ako ha iyo hini: waray usa nga bato dinhe nga mahibibilin ha iya hinmumutangan; titimpagon an ngatanan.”

Marcos 13:2

Binmaton hi Jesus, “Nakikita niyo ini nga dagko nga mga balay? Waray dinhe usa nga bato nga mahibibilin dida han hinmumutangan niya. Titimpagon ini ngatanan.”

Lucas 21:7

Nagpakiana hira, “Magturutdo, san-o man ini mahinanabo? Ngan ano man an mga tigaman nga magpapasabot ha amon nga maabot na an panahon nga ini ngatanan matutuman?”