Lucas 2:7 - Samarenyo Meaning-Based Bible (1984)

⁷ Nag-anak hiya han iya suhag nga lalake, ginputos niya hin mga lampin, ngan iginhulid ha pasungan, kay waray na man lugar para ha ira didto han balay nga pahuwayan.

Lucas 2:7 Iomraidhean Croise

Genesis 42:27

Didto han dapit nga ginpalabyan nira han gab-i, nag-abre han iya sako an usa ha ira hin pagtubong han iya asno, ngan hin-agian niya an iya kwarta dida han ganggang han iya sako.

Genesis 43:21

Han pagkampo namon dida han amon pagtipauli, gin-abrehan namon an amon mga sako, ngan hin-agian han tagsa ka tawo an iya kwarta dida ha ganggang han iya sako—an ngatanan gud nga kwarta. Amon ini ginbalik nganhi ha imo.

Mga Salmo 22:6

Kundi diri ako tawo, ulod la ako, tinamay ngan yinubit han ngatanan!

Exodo 4:24

Didto hin usa nga karampohan nga dapit dida han dalan tipakadto ha Ehipto, gintapo han Ginoo hi Moises ngan gin-iparatay hiya.

Isaias 7:14

Sanglit an Ginoo ngahaw an mahatag ha iyo hin tigaman: Mag-aanak hin lalake in usa nga burod nga daragita ngan pagngangaranan hiya nga ‘Emmanuel’.

Mateo 1:25

Kundi hi Jose waray makighilawas kan Maria tubtob nga nag-anak hi Maria. Ngan Jesus an iginngaran ni Jose han bata.

Mateo 13:55

Diri ba hiya an anak han panday? Diri ba hi Maria an iroy niya ngan diri ba hira Santiago, Jose, Simon, ug Judas an iya kabugtoan?

Mateo 8:20

Ginbaton hiya ni Jesus, “May mga buho an mga miro, ngan may mga salag an katamsihan, kundi waray ngani hinihigdaan hin pagpahuway an Anak han Tawo.”

Lucas 10:34

Gindaop niya an tawo, ginhirugan hin lana ug bino an iya mga samad, ngan ginbutok hin dugnit. Katapos iginsakay niya an tawo han iya kalugaringon nga hayop, ngan gindara ngadto hin balay nga pahuwayan, diin ginmangnoan hiya niya.

Lucas 2:6

Samtang nakadto hira ha Betlehem, inmabot an panahon nga mag-aanak na hi Maria.

Lucas 2:8

May mga magmarangno hin karnero didto hadto nga dapit nga nag-aagma ha bug-os nga gab-i didto han kaumhan hin pagmangno han ira mga panon.

Juan 1:14

Nahimo nga tawo an Pulong, ngan puno hin grasya ngan kamatuoran, nag-ukoy dinhe ha aton. Hinkit-an naton an iya himaya—an himaya nga kinarawat niya ha iya pagka bugtong nga Anak han Dyos Amay.

2 Mga Taga-Corinto 8:9

Kay sayod man kamo han grasya han aton Ginoo Jesu-Cristo; nga bisan kon bahandianon hiya, nagpakakablas han iya kalugaringon tungod ha iyo, basi mariko kamo pinaagi han iya ka kablas.

Mga Taga-Galacia 4:4

Kundi han pag-abot na han igo nga panahon, ginpakanhi han Dyos an iya kalugaringon nga Anak. Kinmanhi hiya usa nga anak hin tunan-on nga iroy, ngan nag-ukoy ha ubos han Balaod han mga Judiyo,