Lucas 2:4 - Samarenyo Meaning-Based Bible (1984)

⁴ Tikang ha bungto han Nazaret ha Galilea, kinmadto hi Jose ha Judea, ngadto han bungto han Betlehem nga natawhan ni Hadi David, kay tulin man hiya ni David.

Lucas 2:4 Iomraidhean Croise

Genesis 35:19

Han kamatay ni Raquel, iginlubong hiya ha ligid han dalan tipakadto ha Efrata nga kinikilala na yana nga Betlehem.

Genesis 48:7

Binubuhat ko ini tungod kan Raquel nga imo nanay. Ha dako nga akon kabidoan, namatay hiya didto ha tuna han Canaan nga diri hirayo tikang ha Efrata, dida han naoli na ako tikang ha Mesopotamia. Iginlubong ko hiya didto ha ligid han dalan tipakadto ha Efrata.” (Betlehem na yana an Efrata.)

Miqueas 5:2

Nasiring an Ginoo, “Betlehem Efrata, usa ka han gigugutiayi nga mga bungto han Juda, kundi tikang ha imo paguguwaon ko in punoan para han Israel, kanay mga ginikanan natikang pa han kadaan nga mga katuigan.”

Mateo 1:20

Kundi samtang ginhunahuna niya ini, pinmakita ha iya in usa nga anghel han Ginoo pinaagi hin inop, ngan nagsiring, “Jose, tulin ni David, ayaw pag-alang hin pagkarawat kan Maria nga imo asawa kay nagburod hiya ha larang han Espiritu Santo.

Mateo 2:23

ngan nag-ukoy hiya ha Nazaret nga bungto, basi matuman ini nga iginsiring han manaragna: “Tatawgon hiya nga Nazareno.”

Lucas 2:3

Sanglit kinmadto hin pagpalista an ngatanan, an kada usa ngadto han iya kalugaringon nga bungto.

Lucas 2:5

Kinmadto hiya hin pagpalista upod hi Maria nga sinayoran na ha iya, ngan hingarak-an na.

Lucas 4:16

Niyan kinmadto hi Jesus ha Nazaret, diin hiya nagtubo, ngan sugad han iya nabatasan, kinmadto hiya ha sinagoga ha Adlaw nga Iparahuway. Tinmindog hiya hin pagbasa han Kasuratan,

Juan 1:46

Nagpakiana hi Natanael, “May-ada ba maupay nga matikang ha Nazaret?” “Tana, ngan kitaa,” nagbaton hi Felipe.

Juan 7:42

Nasiring an kasuratan nga magigin tulin ni David an Mesiyas, ngan matatawo ha Betlehem, an bungto nga gin-ukyan ni David.”

Ruth 1:19

Nagpadayon hira paglakat tubtob han pag-abot nira ha Betlehem. Han pag-abot nira, narigumok an bug-os nga bungto, ngan nagsiring an kababayen-an didto, “Amo ba gud ini hi Naomi?”

Ruth 2:4

Waray pag-iha inmabot hi Boos tikang ha Betlehem ngan ginsiring niya an mga mag-arani, “An Ginoo maada unta ha iyo!” Binmaton hira, “Bendisyonan ka unta han Ginoo!”

Ruth 4:11

Nagsiring an mga pangulo ngan an iba nga mga tawo, “Oo, mga saksi kami. Himoon unta han Ginoo nga ini nga babaye nga imo maaasawa masugad kanda Raquel ug Lea nga nanganak hin damo para kan Jacob. Magmariko ka unta dida han banay ni Efrata, ngan mabantogan ka unta ha Betlehem.

Ruth 4:17

Ginngaranan han mga amyaw nga kababayen-an hin Obed an bata. Ginsumatan nira an ngatanan, “Natawo kan Naomi in lalake nga bata!” Nahimo hi Obed nga amay ni Isai nga amay ni David.

1 Samuel 16:1

Nagsiring an Ginoo kan Samuel, “Tubtob san-o an imo pagkamasulob-on tungod kan Saul? Iginsikway ko na hiya nga hadi han Israel. Kundi yana pun-a hin lana hin olibo an surudlan nga sungay ngan pakadto kan Isai nga taga-Betlehem, kay ginpili ko nga magin hadi in usa han iya mga anak nga kalalaken-an.”

1 Samuel 16:4

Gintuman ni Samuel an iginsiring ha iya han Ginoo ngan kinmadto hiya ha Betlehem. Gintapo hiya han mga pangulo han syudad, nga nangungurog nga nagsiring ha iya, “Malinawon ba ini nga imo pagduaw ha amon?”

1 Samuel 17:12

Hi David amo an anak ni Isai nga sakop han tribo ni Efraim, nga taga-Betlehem han Juda. May-ada hi Isai walo nga mga anak nga kalalaken-an, ngan dida han panahon nga hadi hi Saul, lagas na hiya hin duro.

1 Samuel 17:58

Ginpakianhan hiya ni Saul, “Batan-on, kanay ka anak?” Binmaton hi David, “Amo ako an anak ni Isai nga imo surugoon nga taga-Betlehem.”

1 Samuel 20:6

Kon iliwon ako han imo amay, sumati hiya nga nagsarit ako ha imo hin pagdali ngadto ha Betlehem, kay panahon ini han tinuig nga paghalad didto han akon bug-os nga panimalay.