Lucas 2:16 - Samarenyo Meaning-Based Bible (1984)

¹⁶ Sanglit nagdagmit hira hin pagkalakat, ngan hin-agian nira hira Maria ug Jose, ngan hinkit-an nira an bata nga hinulid ha pasungan.

Lucas 2:16 Iomraidhean Croise

Ecclesiastes 9:10

Panigurohi an bisan ano nga imo pagbubuhaton, kay didto ha kalibutan han mga patay nga imo kakadtoan waray na buhat, waray na hunahuna, waray na hibaro, ngan waray na kinaadman.

Lucas 1:39

Waray pag-iha, nag-andam hi Maria ngan nagdagmit hin pagkadto ha usa nga bungto ha sagkahon nga tuna han Judea.

Lucas 19:32

Nagkalakat hira ngan nakita nira sugad gud han iginsiring ni Jesus ha ira.

Lucas 2:12

Amo ini an tigaman para ha iyo: hiaagian niyo in bata nga pinutos hin mga lampin ngan hinulid ha pasungan.”

Lucas 2:15

Han pagbalik na han mga anghel ngadto ha langit, nagsarabot an mga magmarangno hin karnero, “Kadto kita ha Betlehem ngan kitaa ta ini nga butang nga nahinabo nga iginsumat ha aton han Ginoo.”

Lucas 2:17

Han pakakita nira han bata, iginsumat han mga magmarangno an iginsiring han anghel mahitungod ha iya.

Lucas 2:7

Nag-anak hiya han iya suhag nga lalake, ginputos niya hin mga lampin, ngan iginhulid ha pasungan, kay waray na man lugar para ha ira didto han balay nga pahuwayan.

Lucas 22:13

Nagkalakat hira ngan ira hin-agian an ngatanan sugad han iginsumat ha ira ni Jesus, ngan gin-andam nira an Paglabay nga panihapon.