Lucas 19:1 - Samarenyo Meaning-Based Bible (1984)

¹ Nagpadayon hi Jesus pagsulod ha Jerico, ngan naglatas hiya han bungto.

Lucas 19:1 Iomraidhean Croise

1 Hadi 16:34

Han panahon han iya pagkahadi gin-otro pagtindog ni Hiel nga taga-Betel an Jerico. Sumala han igintagna han Ginoo pinaagi kan Josue nga anak ni Nun, namatay hi Abiram nga suhag nga lalake ni Hiel dida han pagbutang ni Hiel han patukoranan han Jerico, ngan namatay hi Segub nga iya gimamanghori nga anak nga lalake dida han pagtindog niya han mga ganghaan.

Marcos 10:46

Inmabot hi Jesus ha Jerico upod an iya mga tinun-an ngan hin damo nga mga tawo. Han nagtitigawas na hira han bungto, may buta nga ginngangaranan kan Bartimeo, anak ni Timeo, nga nalingkod hin pakilimos didto ha ligid han dalan.

Lucas 18:35

Tikahirani na hi Jesus ha Jerico, ngan nakada ha ligid han dalan in usa nga buta nga nalingkod hin pakilimos.

Lucas 19:2

May didto riko nga labaw nga parasugot hin buhis, nga Saqueo an ngaran.

Josue 2:1

Niyan nagpadara hi Josue hin duha nga mag-irinaw tikang han kampo ha Acacia ug ginsugo hira hin pagkadto ngan pag-usisa hin hilom han tuna han Canaan, labi na an syudad han Jerico. Han pag-abot nira ha Jerico, didto hira pahuway han gab-i ha balay ni Rahab, usa nga babaye nga maraot an dungog.